“Qazatomönerkäsip” AQ Direktorlar keñesiniñ basşısı auıstı, – dep habarlaydı Tengrinews.kz tilşisi kompaniyanıñ baspasöz qızmetine silteme jasap.

“Samwrıq-Qazına” WÄQ” AQ Basqarmasınıñ sırttay otırısınıñ qorıtındısı boyınşa “Qazatomönerkäsip” WAK” AQ Direktorlar keñesiniñ qwramı men ökilettilik merzimi anıqtalıp, Keñes müşeleri jäne törağası saylandı.

“Qazaqstan Respublikası Prem'er-Ministriniñ birinşi orınbasarı Baqıtjan Äbdirwlı Sağıntaev “Samwrıq-Qazına” AQ Basqarmasınıñ şeşimimen Jalğız akcionerdiñ ökili retinde “Qazatomönerkäsip” WAK” AQ Direktorlar keñesiniñ Törağası bolıp saylandı”, – delingen habarlamada.

Sonımen qatar, “Qazatomönerkäsip” WAK” AQ Direktorlar keñesiniñ jaña qwramı belgili boldı. Olar: Bektemirov Quanış Äbdiğaliwlı – Jalğız akcionerdiñ ökili, “Samwrıq-Qazına” AQ aktivterin basqaru jönindegi Bas direktor; Twrmağambetov Mäjit Äbdiqalıqwlı – Jalğız akcionerdiñ ökili, “Tau-ken Samwrıq” AQ basqarma törağası; Arslanova Zarina Fuatovna – Täuelsiz direktor; Jwmağaliev Asqar Quanışwlı – “Qazatomönerkäsip” WAK” AQ basqarma törağası. Ayta keteyik, “Qazatomönerkäsip” WAK” AQ Direktorlar keñesiniñ ökiletti merzimi – bir jıl.

Eske salayıq, mamır ayında “Qazatomönerkäsip” WAK” AQ basşısı bolıp bwğan deyin QR investiciyalar jäne damu vice-ministri qızmetin atqarğan Asqar Jwmağaliev tağayındalğan edi. Onıñ kandidaturası Direktorlar keñesiniñ kezekten tıs otırısında maqwldanıp, Qazaqstan Respublikasınıñ ükimetimen kelisilgen. Osığan deyin QR SİM baspasöz qızmeti 26 naurızda Pekin uaqıtı boyınşa 14.30-da “Qazatomönerkäsip” WAK” AQ Basqarma törağası Nwrlan Qapparovtıñ Qıtayda qaytıs bolğanın habarladı. Onıñ jüregi toqtap qalğan. 31 naurızda “Qazatomönerkäsip” WAK” AQ Basqarma törağası kompaniyasınıñ uaqıtşa mindetin atqaruşı bolıp osığan deyin basqarma törağasınıñ ekonomika jäne qarjı jönindegi orınbasarı bolıp kelgen Aydar Äriphanov tağayındalğan bolatın.