Kezdesu barısında Qazaq handığınıñ 550 jıldığın merekeleuge dayındıq mäseleleri, sonday-aq «100 naqtı qadam» wlttıq is-qimıl josparın jüzege asıru ayasındağı ministrliktiñ qızmeti talqılandı.

Memleket basşısı merekelik şaralardı dayarlau barısında negizgi salmaq Mädeniet jäne sport ministrligine tüsetinin ayttı.

Osı jıldar işinde Memleket tarihı institutı qwrıldı, köptegen ğalımdarımız tarihi materialdar izdep tabu jäne olardı jan-jaqtı zerdeleu üşin şetelderge şıqtı. El bolu üşin, sonday-aq jastardı patriottıq twrğıda tärbieleu üşin bizge Qazaqstannıñ şınayı tarihı kerek, – dep atap ötti Nwrswltan Nazarbaev.

Qazaqstan Prezidenti mereytoydı qalıptasqan kürdeli ekonomikalıq jağdayda artıq şığınsız, biraq halıq jadında qalatınday sapalı ötkizu kerektigin ayttı.  Memleket basşısı mereytoylıq şaranıñ bastı maqsatı barşa qazaqstandıqtardıñ patriotizmin nığaytu jäne olardıñ ruhani twrğıdan ösip-jetiluin qamtamasız etu bolıp sanalatının atap ötti.

Mädeniet jäne sport ministri merekelik şaralar Astanada jäne  Tarazda ötetinin ayttı.

Qazaq handığınıñ 550 jıldığın merekeleu Qazaqstan halqınıñ birtektiligi men birligin nığaytu üşin öte mañızdı. Biz birinşi kezekte halıqaralıq ğılımi-täjiribelik konferenciyalar ötkizuge köñil bölemiz. Sonımen qatar, qazirgi kezde Tarazda etnografiyalıq muzey jäne ortalıq salınuda. Mañızdı arheologiyalıq jwmıstar jürgizilude, – dedi A.Mwhamediwlı.

Memleket basşısı kezdesu qorıtındısı boyınşa birqatar naqtı tapsırma berdi.