Jaña äkimi – Beybit Atamqwlov
kerey.kz
Memleket basşısı sapar ayasında oblıstıq mäslihattıñ sessiyasına qatıstı, onıñ barısında deputattar oblıstıñ jaña äkimi – Beybit Atamqwlovtıñ kandidaturasın bir auızdan maqwldadı-habarlaydı Aqorda baspa söz qızmeti.
Qazaqstan Prezidenti bwrınğı äkim A.Mırzahmetov ülken jwmıs atqarğanın, nätijesinde öñir ekonomikası tabıstı damıp, äleumettik nısandar qwrılısı belsendi jürgizilip, qızmet körsetu salası jüyeli türde jaqsarıp kele jatqanın atap ötti. Nwrswltan Nazarbaev A.Mırzahmetovtiñ täjiribesi men bedeli qazirgi uaqıtta eldiñ jetekşi sayasi küşi bolıp sanalatın «Nwr Otan» partiyasınıñ basşılığında qajet ekenin ayttı.
Memleket basşısı oblıstıñ damuına dästürli türde zor köñil bölinetinine, onıñ basşısına ayrıqşa jauapkerşilik jükteletinine nazar audardı.
Sonımen qatar, Qazaqstan Prezidenti öñir aktivimen kezdesu ötkizip, onıñ barısında oblıstıñ jaña äkimin tanıstırdı. Memleket basşısı B.Atamqwlovtıñ türli basqaru salalarındağı jwmıs täjiribesin, bilim deñgeyiniñ joğarılığın atap ötti jäne öñirdiñ aldına qoyğan mindetterdi onıñ igere alatınına senim bildirdi.
Nwrswltan Nazarbaev ekonomikadağı ahualdıñ kürdelenuine baylanıstı qolda bar qarajattı paydalanu tiimdiligin arttıruğa basımdıq beriletinin, bwl barlıq deñgeydegi äkimderdiñ mindeti ekenin atap körsetti.
Memleket basşısı atap ötkendey, respublikada dağdarıstıq qwbılıstardı eñseru üşin jüyeli şaralar qabıldanuda. Elde jürgizilip jatqan industriyalandıru ekonomikanıñ ornıqtılığın küşeytuge, şikizattıñ älemdik bağasına täueldilikti azaytuğa, şağın jäne orta biznestiñ ülesin arttıruğa bağıttalğanın ayttı. «Nwrlı jol» bağdarlaması da dağdarısqa qarsı sayasattıñ ilkimdi qwralı bolıp sanaladı.
Qazaqstan Prezidenti oblıstıñ äleuetin jüzege asıru kerektigin atay otırıp, birqatar negizgi mindetter qoydı. Olardıñ qatarında tabiği resurstardı paydalanudı qosa alğanda, önerekäsipti damıtu, uran klasterin qalıptastıru, şağın jäne orta käsipkerliktiñ örkendeui üşin jağdaydı odan äri jaqsartu, agroönerkäsip keşeniniñ tiimdiligin arttıru jäne paydalanılmaytın jer alqaptarın azaytu mäseleleri bar.
Sonday-aq Memleket basşısı äleumettik özekti, sonıñ işinde üş auısımdıq mektepterdi joyu, balalardı mektepke deyingi mekemelermen qamtu ayasın wlğaytu mäselelerin şeşu isin jalğastırudı tapsırdı, biraq bwl rette şığıstardıñ ornımen jwmsalu qağidatın wstanu kajettigin ayttı.
Pikir qaldıru