– Biz wşu barısın baqılap, ärqaysıñız üşin alañdap otırdıq. Ärine, qazaqstandıqtar el tarihındağı üşinşi ğarışker bolğan Aydın Ayımbetovtiñ tileuin tiledi. Onıñ älemdegi alğaşqı jäne iri ğarış aylağı – Bayqoñır qwrılısınıñ bastalğanına 60 jıl tolğanda ğarışqa wşuı da ayşıqtı oqiğa, – dedi Nwrswltan Nazarbaev.

Qazaqstan Prezidenti naq osı Bayqoñırdan alğaş ret ğarışqa adam wşqanın, sodan beri Qazaqstannıñ jerinen tartılıs küşin eñserip wşqandardıñ bärin otandastarımız jaqın dos retinde qarsı alatının atap ötti.

Ekipaj müşeleri  G.Padalka jäne A.Mogensen missiyalarınıñ jemisti ayaqtalğanın ayta kelip, bükil Qazaqstan halqın ayşıqtı oqiğamen qwttıqtadı.

A.Ayımbetov elimizdiñ atınan Halıqaralıq ğarış stansasında ökildik etu märtebesin senip tapsırğanı üşin Memleket basşısına jäne Qazaqstan halqına alğıs ayttı.

BAQ ökilderine arnalğan brifing barısında Nwrswltan Nazarbaev büginde älemdegi 200-den asa memlekettiñ tek sanaulısı ğana azamatın ğarışqa attandıra alatının ayta kele, Qazaqstannıñ ğarış salası tabıstı damıp kele jatqanın atap ötti.

– Roskosmos pen Resey Federaciyası basşılığınıñ qoldauımen biz ğarışkerler dayarlaudı jüzege asıramız. Büginde Qazaqstannıñ jer serikteri mañızdı kommunikaciyalıq jäne ğılımi-zertteu qızmetterin atqaruda. Polkovnik Ayımbetov sapar barısında özine jüktelgen barlıq mindetti orındadı. Osı maqsatqa bölingen qarajat wzaqmerzimdi keleşekte özin aqtaydı jäne is jüzinde zor payda äkeletin boladı, – dedi Qazaqstan Prezidenti.

akorda.kz