Memleket basşısı «Äziret Swltan» meşitine bardı jäne Qazaqstan halqı men bükil älem mwsılmandarın Qwrban ayt merekesimen qwttıqtap, jamağatpen äñgimelesti.

Bwl küni adamdar ökpe-renişterin keşirip, bir-birine jaqın bola tüsedi. Sondıqtan mereke biriktiruşi röl atqaradı. Bizdiñ halqımız Täuelsizdik alğannan keyin islam dinimen qayta qauıştı. Sonıñ arqasında damu bağıtındağı jolımızdı jalğastıra otırıp, birligimiz ben tatulığımızdı nığayttıq, – dedi Qazaqstan Prezidenti.

Nwrswltan Nazarbaev sonday-aq qazirgi zamandağı qaqtığıstardıñ negizgi sebepterine de toqtaldı.

Bwlar – eñ birinşi jer aumağına baylanıstı daular. Biz osınday dau tumauı üşin körşi eldermen uağdalastıq arqılı şekaramızdı bekittik. Ekinşi – etnosaralıq qaqtığıstar. Öz wltın özgeden joğarı sanau – asa ülken künä. Biz Qazaqstanda köpwlttı halıqtıñ birligin qamtamasız ettik. Etnikalıq tegine qaramastan, ärkimdi de qwrmettey otırıp, eldegi twraqtılıqtı nığayttıq. Üşinşi – büginde bükil älemde bolıp jatqan dinaralıq qaqtığıstar. Elimizdiñ mwsılmandarı öz dinin wstana otırıp, özgelerdi qwrmetteydi. Sonıñ negizinde biz halıqtıñ birligi men dostığın qamtamasız ettik. Sondıqtan halqımızdı öz dininde meyirimdilik pen qayırımdılıq jolın tañdauğa jäne öskeleñ wrpaqtı osı bağıtta tärbieleuge şaqıramın, – dedi Memleket basşısı.

Soñında Qazaqstan Prezidenti barşanı tağı da merekemen qwttıqtap, är şañıraqqa baq-bereke tiledi.

Aq orda baspa söz qızmeti