«Qazaqstan» arnasında EURO-2016 jerebe taratu räsimi körsetiledi
kerey.kz
12 jeltoqsan küni sağat 23.00-de «Qazaqstan» Wlttıq telearnasınıñ tikeley efirinde Parijde ötetin 2016 jılğı Europa çempionatı finaldıq kezeñiniñ jerebe räsimi körsetiletinin habarlaydı. Körermender translyaciya qaytalanuın 13 jeltoqsan küni sağat 10.25-te «Kazsport» telearnasında köre aladı.
Bwl küni toptar özderiniñ bolaşaqtağı futbol turnirinde kezdesetin qarsılas tobımen tanıs boladı. 15-şi Europa çempionatı 2016 jıldıñ 10 mausımı men 10 şildesi aralığı Franciyanıñ 10 qalasında ötedi. Finaldıq turnirde alğaş ret 24 komanda oynaydı.
«Qazaqstan» RTRK» AQ EURO-2016 turniri translyaciyasın Qazaqstan Respublikasınıñ aumağına eksklyuzivti taratu qwqığına ie. Korporaciya Europa çempionatın keñ kölemde körsetudi josparlauda. Barlıq matçtar «Qazaqstan» jäne «Kazsport» telearnalarınıñ tikeley efirinde körsetiledi. Sonımen qatar, turnir jaylı «Road to France» 15 arnayı jobası körsetiledi. Atalmış 15 fil'mniñ üşeui – Korporaciyanıñ öz önimi boladı.
Europa çempionatı taqırıbı «Qazaqstan» jäne «Kazsport» telearnalarındağı «Tañşolpan», «Bügin jeksenbi», «Sport.kz» bağdarlamaları jäne basqa jobaları ayasında qamtılmaq. Birinşi ret atalmış şara Korporaciyanıñ 14 aymaqtıq arnalarında keñ kölemdegi aqparattıq süyemeldeuige ie boladı.
«Qazaqstan» Wlttıq telearnası öz kezeginde körermender men futbol janküyerleriniñ toptarına aldağı jerebe taratuda özderine layıqtı qarsılastarmen baq sınasudı tilep qana qoymay, olarmen birge aldağı oyın qızıqtı äri äserli bolatınına senedi.
«Qazaqstan» jäne «Kazsport» arnaları elimizde jäne älemde ötetin eñ mañızdı sport şaralarınıñ körsetilimin bolaşaqta bwdan äri jalğastırmaq.
Qwrmetpen,
«Qazaqstan» RTRK» AQ baspasöz-qızmeti
Pikir qaldıru