Keñeske Prem'er-Ministr K.Mäsimov, Prezident Äkimşiliginiñ Basşısı N.Nığmatulin jäne Prezident Äkimşiligi Basşısınıñ orınbasarı B.Maylıbaev qatıstı.

Memleket basşısı elimiz ötken jıldı älemdik narıqtağı kürdeli jağdayğa qaramastan, jaqsı ekonomikalıq körsetkiştermen ayaqtağanın atap ötti.

Biz Bes institucionaldıq reformanı jüzege asırudı bastaytın eñ kürdeli kezeñge keldik. Auqımdı dayındıq jwmıstarı atqarıldı, tiisti qwjattar qabıldandı. Prezident Äkimşiligi, Ükimet, ärbir ministrlik jäne äkimdikter qoyılğan mindetterdi naqtı orındauğa atsalısuı qajet. Jañğırtu jönindegi wlttıq komissiya qızmetin jalğastırıp, meniñ aldımda esep beretin boladı jäne barlıq bağıttar boyınşa qanday da bir bosañsuğa jol bermeui tiis, – dedi Qazaqstan Prezidenti.

Nwrswltan Nazarbaev reformalardıñ uaqtılı jäne tiimdi jüzege asırıluınıñ mañızdılığın atap ötti.

Memlekettik qızmetti jetildiru jwmısın ortalıqta da, jergilikti jerlerde de jürgizu kerek. Zañ üstemdigin qamtamasız etu ayasında sot jüyesiniñ özi de özgeristerge bastamaşı boluı qajet. Sonımen qatar, Patriottıq akt qabıldau josparlanıp otır, onda halıq birligin, toleranttılıq pen senimdi odan äri nığaytu jönindegi qızmettiñ negizgi bağıttarı körsetiletin boladı. Sonday-aq esep beruşi memleket qalıptastıru mindetine säykes, barlıq deñgeydegi atqaruşı bilik twraqtı negizde halıqqa esep berip otıruı tiis. Jalpı alğanda, nätijege basşılar jeke jauaptı boladı. Bwl rette, reformalardı közboyauşılıqqa aynaldıruğa jol beruge bolmaydı. Özgeristerdi jüzege asıruğa kedergi bolatındar lauazımınan bosatıladı, – dedi Memleket basşısı.

Qazaqstan Prezidenti kezdesu qorıtındısı boyınşa birqatar naqtı tapsırma berdi.

Aqorda baspa söz qızmeti