Qazaqstan Iordaniyağa äskeri tehnika jetkizbek
kerey.kz
QR Qorğanıs ministri Imanğali Tasmağambetov Iordaniyağa resmi saparmen bardı. Onıñ şeñberinde Iordaniya memleketiniñ jäne qorğanıs vedomstvosınıñ basşılarımen resmi kezdesuler ötti. Kezdesude äskeri jäne äskeri-tehnikalıq ıntımaqtastıq ayasındağı mäseleler talqılanıp, özara is-qimıl perspektivaları belgilendi.
Sapardıñ bastı maqsatı äskeri jäne äskeri-tehnikalıq ıntımaqtastıq turalı Qazaqstan Respublikası men Iordaniyalıq Haşimit Patşalığınıñ Ükimeti arasında kelisimge qol qoyu boldı. Bekitilgen qwqıqtıq negiz eki eldiñ qarulı küşteri men qorğanıs önerkäsibi arasındağı ıntımaqtastıqtı damıtuğa ıqpal etedi.
Sapar barısında ötken jıldıñ soñında Elbası Astanada aşqan «Kazahstan Paramaunt injiniring» kompaniyası zauıtınıñ önimi – «Arlan» qazaqstandıq bron'dalğan döñgelekti maşinalardı satıp alu jönindegi uağdalastıqqa qol jetkizildi. Sonımen qatar tüngi köru aspaptarınıñ OPK-optikalıq aspaptarı men közdeuişter, 12,7 kalibrli NSVS oqşaşarları jäne olardıñ qoldanıluımen jauıngerlik modul'der, 3 koordinatalı RLS, baylanıs qwraldarı jäne tağı basqa jaraqtardı jetkizu boyınşa kelissözder jürgizildi.
Iordaniyalıq Haşimit Patşalığı QK Ştabtar bastıqtarınıñ Birikken komitetiniñ törağasımen kezdesude qabıldauşı taraptıñ «KADEX-2016» qaru-jaraq pen äskeri tehnikanıñ IV halıqaralıq körmesine qatısatını belgili boldı. Aldağı halıqaralıq körmede qorğanıs önerkäsibi salasındağı iri jahandıq kompaniyalardıñ qaru-jarağı men tehnikası wsınıladı. Şarağa äskeri maqsattağı jetekşi öndiruşi elderdiñ birqatar resmi ökilderi qatısadı dep kütilude. Jer şalğaylığı men qaşıqtığına qaramastan, eki el arasındağı ekonomikalıq, äskeri-sayasi ıntımaqtastıqtı damıtuda ülken mümkindikter bar ekenin ayta ketken jön.
Qazaqstan qorğanıs ministrligi
Pikir qaldıru