Kezdesu barısında ekijaqtı ıntımaqtastıqtıñ negizgi bağıttarı, sonıñ işinde sayasi dialogtı nığaytu men mädeni almasu mäseleleri, kölik, energetika, turizm jäne infraqwrılım qalıptastıru salalarındağı baylanıstı damıtu jayı talqılandı.

Memleket basşısı A.Davutoğludıñ saparı bizdiñ elimizdiñ sırtqı sayasatında Türkiyağa qatıstı bağıttıñ mañızdılığın ayğaqtaytının ayttı.

Biıl Qazaqstan Täuelsizdiginiñ 25 jıldığın atap ötedi. Egemendigimizdiñ alğaşqı künderinen biz bauırlas halıqtarımızdıñ jaqındasa tüsuine bar küş-jigerimizdi salıp kelemiz. Osı jıldarda Sizdiñ eldiñ basşılığımen tığız jwmıs jürgize otırıp, biz bir kezderde wzaq uaqıt boyı üzilip qalğan Qazaqstan men Türkiya arasındağı baylanıstı qayta qalpına keltirdik. Men Türki keñesiniñ qwrıluına bastamaşı boldım. Büginde Astanada Halıqaralıq türki akademiyası jwmıs isteydi, onda ğalımdar bizdiñ elderimizge ortaq mädeniet pen tarihtı zertteude. Qazaqstan üşin Türkiyanıñ mañızı öte zor, biz ıntımaqtastıq sayasatınan eşqaşan bas tartpaymız, – dedi Nwrswltan Nazarbaev.

Sonday-aq Qazaqstan Prezidenti Türkiya töñiregindegi şielenisken geosayasi jağdaydıñ bizdiñ elge de äserin tigizetinin atap ötti.

Büginde qalıptasqan ahualdan şığu joldarın izdestiru qajet. Bolıp jatqan jayttardıñ köptegen sebepteri äli de ayqındalmay otır. Siriya men Iraktağı qaqtığıstar mwsılmandar arasında birliktiñ joq ekenin körsetti. Biz sunnitter men şiitter arasında boluı mümkin dep Batıs bwdan ilgerirekte boljağan  kezeñge tayap keldik. Türkiya men Resey arasındağı qarım-qatınastıñ kürdelenui de biz üşin ülken problemağa aynaldı. Eki el de bizdiñ mañızdı odaqtasımız ben seriktesimiz bolıp sanaladı, – dedi Memleket basşısı.

A.Davutoğlu Qazaqstanğa saparın ärdayım öz Otanına kelgendey bağalaytının ayttı. Sonday-aq Türkiya Prem'er-Ministri Qazaqstan halqın Täuelsizdiktiñ 25 jıldığınıñ bastaluımen qwttıqtap, Nwrswltan Nazarbaevqa ekijaqtı qarım-qatınastı nığaytuğa qosqan zor ülesi üşin  alğıs bildirdi.

Qazaqstan men Türkiya arasındağı qarım-qatınas barlıq bağıt boyınşa qarıştı damıp keledi. Biz kölik, energetika jäne özge de salalarda birlesken jobalardı jüzege asırıp jatırmız. Sauda baylanıstarı da nığayuda. Eger Türkiya – Europağa aşılğan «esik bolsa, Qazaqstan – Türkiya üşin Euraziya keñistigine aparatın jol, – dedi A.Davutoğlu.