QR Qorğanıs ministri alğaşqı qazaqstandıq oq jasau zauıtınıñ irgetasın qaladı
kerey.kz
Bügin, 14 naurızda Qarağandı qalasındağı «Sarıarqa» arnayı ekonomikalıq aymaqtıñ aumağında QR Qorğanıs ministri Imanğali Tasmağambetov alğaşqı qazaqstandıq patron zauıtı qwrılısınıñ bastaluına arnalğan räsimge qatıstı. Bwl joba QR QK Joğarğı Bas Qolbasşısınıñ tapsırması boyınşa äzirlendi. Wlttıq qauipsizdiktiñ qajetti deñgeyin qamtamasız etu, qazaqstandıq önimdi arttıru, sonday-aq atıs qaruına arnalğan qolda bar patrondardıñ qorınıñ azaytıluın nazarğa ala otırıp, QR Qarulı Küşterinde anağwrlım swranısqa ie 5,45*39 mm, 7,62*54 mm, 9*18 mm, 9*19 mm kalibrli patrondardı öndiru boyınşa zauıt qwru josparlanuda.
Osı joba şeñberinde «Sarıarqa» arnayı ekonomikalıq aymağınıñ aumağında ğimarat keşeni men patrondıq zauıttıñ qwrılısın salu josparlanuda. Arnayı ekonomikalıq aymaqtıñ aumağında barlıq injenerlik kommunikaciyalar, avto jäne temirjol köligi bar. Bwl ortalıqtandırılğan türde alañnan tıs injenerlik magistral'darğa işki alañdıq jelilerdi qosu, sonday-aq Qazaqstannıñ kez-kelgen öñirine qaru-jaraq qoymalarına avtomobil'di jäne temirjol köligimen önimdi şığarudı jüzege asıru mümkindigin beredi. Qwrılıstıñ jalpı audanı 26 400 şarşı metrdi qwraydı. Qwrılıs jwmıstarın ayaqtau 2017 jıldıñ jeltoqsan ayına josparlanğan.
«Patron zauıtı wzaq jıldar boyı el işinde şikizat pen materialdar tasımaldauğa swranıstı twraqtı qamtamasız etedi. Jez siyaqtı qorıtpanıñ 300 tonnasın qoldanu aymaqtağı mamandandırılğan käsiporınnıñ jwmısın jandandıradı. Arnayı ekonomikalıq aymaq tärtibi jağdayında da qazaqstandıq patron zauıtı salıq türinde öñirdiñ byudjetine jılına 680 mln teñge qarjı tüsiredi. Bwl bizdiñ eñ qarapayım boljam» – dep atap ötti «Kaztehnologii» AQ basqarma törağası Meder Maselov.
Atalğan öndiristiñ jwmısı Qazaqstannıñ wzaq merzimdi atıs qaru-jarağınıñ oq-därilerin öndiretin elder qatarına enuine mümkindik beredi. Qazirdiñ özinde «Kaztehnologii» AQ zauıt önimin eksporttau boyınşa kelissözder jürgizude. Atap aytqanda, «Kadex-2016» körmesi ayasında är türli memleketterge önim jetkizu jöninde kelisimge qol qoyu josparlanıp otır.
Qazirgi uaqıtta Qazaqstan Respublikasında atıs oq-därileri şığarılmaytının ayta keteyik. Bwl rette Qorğanıs ministrliginiñ mwqtajdığı üşin ağımdağı patrondardağı qajettilik KSRO-nıñ qwldırauına deyin qwrılğan qorlar esebinen jabıladı. Qazaqstan Respublikasınıñ Qarulı Küşterin oq-därilermen qamtamasız etu üşin qazaqstandıq şikizat pen materialdar paydalanıladı. Bwl jetkizuşi elderden täuelsiz boluğa mümkindik beredi. Qazaqstan Respublikası Qarulı Küşteriniñ oq-därilermen qamtamasız etilui jalpı alğanda, eldiñ jäne öñirdiñ äskeri-sayasi qauipsizdigin arttıradı.
Patrondardı öndiru boyınşa jabdıqtı kanadalıq Waterbury Farrel kompaniyası jetkizetin boladı. Qazaqstandıq patron zauıtı öndiru quattılığı jılına 30 mln. dananı qwraytın patrondardı şığaruğa arnalğan ozıq qwralmen jabdıqtaladı. Tehnologiyalıq jabdıq innovaciyalıq tehnologiyalardı qoldana otırıp, älemdik sapa standartına säykes keledi. Qwrastıru jäne iske qosudı dayındau jwmıstarı 2017 jılı ötedi. Montajdau jwmıstarı öndiristik personaldı oqıtumen biriktiriledi. Jaña 164 jwmıs ornı qwrıladı. Osılayşa, auqımdı maqsatta qoldanılatın oq-däri şığaru boyınşa klaster qwru josparlanuda.
Qazaqstan Respublikası Qorğanıs ministrligi
Pikir qaldıru