Nwrswltan Nazarbaev Parlament Mäjilisi men mäslihat saylauında dauıs berdi.

Memleket basşısı saylauğa qatısu arqılı milliondağan qazaqstandıqtar siyaqtı öziniñ konstituciyalıq qwqığı men azamattıq borışın jüzege asırğanın atap ötti.

– Mäjilis jäne jergilikti ökildi bilik organdarınıñ bügingi saylauı –Qazaqstannıñ qazirgi zaman tarihındağı öte mañızdı kezeñ. Qazaqstanda jäne älem boyınşa eldiñ 9 millionnan astam azamatı 9900-dey saylau uçaskesinde dauıs beredi. Kezekten tıs saylau qazir ömirimizdiñ barlıq salasında jañaru jürip jatqanın sezingen el Parlamentiniñ bastamasımen ötkizilip otır. Biz dağdarıs ürdisterin eñseremiz, bwl üşin dayındığı bar jäne isti biletin jaña deputattar qajet, – dedi Qazaqstan Prezidenti.

Nwrswltan Nazarbaev el azamattarınıñ saylaudağı belsendiligin de atap ötti.

– Bügin ertemen qazaqstandıqtar otbasılarımen, balalarımen uçaskelerge kelip, dauıs beruge belsene qatısuda. Bwl azamattarımızdıñ bilikke, sonıñ işinde zañ şığaruşı bilikke degen senimin bildiredi. Biz bügin elimizge qajetti Parlamentti saylaytınımızğa senimdimin, – dedi Memleket basşısı.

Qazaqstan Prezidenti otandıq jäne şeteldik BAQ-qa arnalğan brifingte birqatar saualdarğa jauap berdi. Mäselen, Memleket basşısı atqaruşı organdardıñ ökildi bilik aldındağı eseptiligin jüzege asıru tetikteri turalı aytıp berdi.

– Zañnamağa säykes, ükimettiñ jwmısın, sonıñ işinde byudjet qarajatınıñ şığıstarın baqılau üşin Parlamenttiñ barlıq ökilettigi bar. Sonday-aq zañ qabıldanğannan keyin Parlament sol normalardıñ iske asırıluın qadağalauı tiis, – dedi Nwrswltan Nazarbaev.

Qazaqstan Prezidenti sayasi jüyeniñ ıqtimal özgerisi el Konstituciyasımen tikeley baylanıstı bolatının ayttı.

– Negizgi zañdı referendumda halıq qabıldadı, qajet jağdayda özgeristi de halıq qabıldaydı. Äñgime bilikti Prezident, Parlament jäne Ükimet arasında böluge baylanıstı boluı mümkin. Bwl özgerister älemdegi jäne eldegi ahualğa baylanıstı boladı. Halıq qalasa, biz mwnı jaqsılap oylanatın bolamız, – dedi Nwrswltan Nazarbaev.

Memleket basşısı atqaruşı bilikte boluı mümkin özgeris turalı da oyın bildirdi.

– Ükimettiñ bıltır Prezident saylauınan keyin özgergenin eske salğım keledi. Onıñ qazirgi qwramı  dağdarısqa qarsı bağdarlamalardı jäne bes institucionaldıq reformanı jüzege asıru jönindegi zañdardı äzirledi, qazir sol boyınşa jwmıstar jürip jatır. Ükimettiñ qwramı sauattı iriktelgen dep sanaymın. Onda bilimdi, jas, şetel tilderin meñgergen, öz isiniñ bilgirleri jwmıs isteydi. Bastağan jwmısın olarğa soñına deyin jetkizuge mümkindik beru kerek dep oylaymın, – dedi Qazaqstan Prezidenti.

Aq orda baspa söz qızmeti