NATO bas hatşısı Yens Stoltenberg soltüstik al'yans pen Mäskeu 20 säuirde Bryussel'de reseylik äskeri wşaqtardıñ amerikalıq esminec pen barlauşı wşaqtarına jaqın türli manevr jasap, “qauipti äreket körsetkenin” talqılaytının mälimdedi. Eki jaq ökilderi de soñğı eki jılda alğaş ret Resey – NATO keñesiniñ resmi jiınında kezdesui tiis.

Jiında ötken aptada reseylik äskeri wşaqtardıñ Baltıq teñizinde amerikalıq “Donal'd Kuk” zımıran esminecine tım jaqın qaşıqtıqtan wşqanın jäne halıqaralıq äue keñistiginde amerikalıq barlauşı wşaqtıñ janınan türli manevr jasap wşqan oqiğası talqılanbaq.

“Reseylik wşaqtardıñ käsibi emes, qauipti äreketi aşıq äskeri baylanıstıñ jäne qauip-qaterdi azaytudıñ mañızdı ekenin ayğaqtaydı” dedi Stoltenberg.

Resey – NATO jiını soltüstik al'yans Resey Ukrainadan Qırım tübegin zañsız anneksiyalap, Donbastağı separatisterge qoldau körsetken soñ Mäskeumen barlıq baylanısın toqtatqan 2014 jıldıñ mausımınan beri birinşi ret öteyin dep twr.

19 säuirde Europa Odağı elderiniñ qorğanıs ministrlerimen kzedesken Stoltenberg eki tarap ta Auğanstan men Ukrainadağı jağdaydı talqılaytının ayttı. Biraq ol kezdesu “NATO Mäskeumen qarım-qatınasın dwrıstadı” degendi bildirmeytinin ayttı

“Biraq biz sayasi dialogtıñ aşıq boluına mümkindik qaldır qajet dep taptıq jäne Resey – NATO keñesi bizdiñ Rseeymen sayasi dialog ornatqanımızğa bir dälel bola aladı” dedi NATO bas hatşısı.

Azattıq radiosı