«Qazaqstan» men «Kazsport» telearnaları Gennadiy Golovkin men Kelli Bruk jekpe-jegin tikeley efirde körsetedi.
kerey.kz
Qazaqstandıq janküyerler tağatsızdana kütip otırğan Gennadiy Golovkin men Kelli Bruk arasındağı bokstıq kezdesuin qırküyektiñ 10-nan 11-ne qarağan tüni, sağat 23:00-de «Qazaqstan» men «Kazsport» telearnaları tikeley efirde körsetetin boladı. Sonday-aq, kaztrk.kz jäne kazsport.kz. sayttarı arqılı jekpe-jektiñ onlayn-körsetilimi jürgiziledi.
Londonda ornalasqan Europanıñ eñ ülken alañdarınıñ biri – 20-mıñ adamdıq «O2» sport keşeninde orta salmaq därejesinde WBA (Super), IBO, WBC (Interim) jäne IBF nwsqaları boyınşa Älem çempionı qazaqstandıq boksşı Gennadiy Golovkin IBF nwsqası boyınşa jartılay orta salmaqtağı älem çempionı britandıq Kell Brukpen jwdırıq tüyistirmek.
Tanımal otandıq käsipqoy boksşımız Gennadiy Golovkinniñ ayqastarın «Qazaqstan» men «Kazsport» telearnalarınıñ tikeley efirinde körsetu igi dästürge aynalğanın atap ötkimiz keledi. Mäselen, biılğı säuirde qazaqstandıq körermender Gennadiy Golovkinniñ Domenik Ueydke qarsı bokstıq kezdesuin tikeley efirden qarasa, ötken jılğı David Lem'emen qolğap tüyistiruin 3,5 millionnan astam qazaqstandıq tamaşalap, 1 millionnan astam janküyer telearnalardıñ sayttarı arqılı körgen bolatın.
34-jasarlıq Golovkin üşin bwl 36-şı sındıq beldesu jäne bokserlik şarşı alañına 17-şi ret çempion esebinde şığuı. Odan bwrınğı 35 ret ötkizgen jekpe-jeginiñ barlığında ol wtısqa ie bolğan (onıñ işinde 32-i nokautpen). Al, onıñ qarsılası 30-jasarlıq Bruk te eş jeñilmegen, 36 jwdırıqtasuı taza jeñispen ayaqtalğan (onıñ işinde 25-i nokautpen).
Gennadiy Golovkin – Qazaqstan maqtanışı, qazirgi zamanğı üzdik käsibi boksşılarınıñ biri. Qazaqstan Respublikasınıñ qwrmetti sport şeberi. Ol äuesqoy boksta 350 kezdesu ötkizip, 345 jekpe-jeginde jeñiske jetken. 2006 jıldan beri käsibi boks qwramında.
Qwrmetpen,
«Qazaqstan» RTRK» AQ baspasöz qızmeti
Pikir qaldıru