Kezdesu barısında Memleket basşısı tiimdi aqparattıq sayasat jürgizudiñ, eldegi media keñistiktiñ qauipsizdigin qamtamasız etudiñ mañızdılığın atap ötti.

– Jañadan qwrılğan ministrliktiñ mañızı zor. Büginde bastı mindetterdiñ biri – aqparat keñistigindegi türli sın-qaterlerge tiimdi qarsı twra bilu. Sonımen qatar, halıq arasında ekonomikalıq ösimdi jäne twrğındardıñ äl-auqatın arttırudı qamtamasız etu bağıtında memleket qabıldap otırğan şaralar turalı tüsindiru jwmısın tiisti deñgeyde jürgizu qajet, – dedi Qazaqstan Prezidenti.

Bwdan bölek, Nwrswltan Nazarbaev memlekettik BAQ-tıñ basşılıq qwramın qalıptastıru isine mwqiyat bolu qajettigine nazar audardı.

– Joğarğı talaptarğa say keletin, şetel tilderin meñgergen jäne aqparat keñistiginiñ bastı ürdisterine sapalı taldau jasay alatın adamdardı tañdau kerek. Jalpı, memlekettik aqparat sayasatınıñ mäseleleri meniñ bastı nazarımda. Ministrliktiñ qızmetine tikeley özim jäne Prezident Äkimşiliginiñ basşısı baqılau jasaydı. Basqa twlğalardıñ aralasuına jol berilmeydi, – dedi Memleket basşısı.

Aqparat jäne kommunikaciyalar ministri BAQ jwmısınıñ tiimdiligin arttıru, sonday-aq «bir tereze» qağidatı boyınşa halıqqa memlekettik qızmetter körsetu isin ilgeriletu jöninde qabıldanıp otırğan şaralar turalı bayandadı.

Sonday-aq, D.Abaev Qazaqstan Prezidentin telekommunikaciya salasınıñ qızmet etu sapasın arttırudağı ministrliktiñ qızmeti, sonıñ işinde «Sandıq Qazaqstan» bağdarlamasın äzirleu jwmısı turalı habardar etti.