Qarşaday ğana korey qızı qazaq tilin meñgergen. Endi oñtüstikkoreyalıq PhD doktorant Kembridj universitetinde Qazaqstan jaylı jäne qazaq tiline qatıstı ğılımi izdeniste jür.

Bwl turalı 24 arna habarlaydı.

Endju Ku bwğan deyin studenttik almasu bağdarlaması boyınşa Qazaqstanda bilim alğan. Eki jıldıñ işinde köp qinalmastan qazaq tilin üyrengen. Qazaq dostarı üşin ıñğaylı bolsın dep ol öz esimin İnju dep özgertip alğan.

İnjudiñ Qazaqstanğa degen qızığuşılığı 12 jıl bwrın payda bolıptı. 2005 jılı ol Almatıdağı joğarı oqu orındarınıñ birine oquğa tüsip, qazaq elimen tanısu mümkindigine ie bolğan eken. «Biraq qazir tildi wmıtıp baramın», – deydi ol.

“Iä, eki jılda. Biraq men qazir praktika bolmağandıqtan jay-jay söyleymin. Biraq sol kezde qazaqtardan qazaqşa jaqsı üyrendim. Qazaq tilin üyrenu mağan oñay. Öytkeni bizdiñ grammatikamız wqsas twradı”, – deydi İnju.

«Qazaq tiliniñ Qazaqstan eñbek narığındağı ekonomikalıq qwndılığı» taqırıbında doktorlıq dissertaciya jazu İnjuge oñay bolmay otır. Öytkeni Qazaqstan jaylı ğılımi eñbekterdiñ basım böligi orıs tilinde. Al orısşanı ol tüsinbeydi.

İnjudiñ oyınşa, qazirde Qazaqstanda eñbek küşine degen swranıs pen wsınıstı qalıptastıru salasında qazaq tiline degen swranıs artıp keledi eken.

“Meniñ oyımşa, qazaq tiliniñ bağası birte-birte joğarılap bara jatır. Öytkeni memleket kömek beredi adamdarğa köp til üyrenuge”, – deydi Kembridj universitetiniñ PhD doktorantı  Endju Ku.

Sonday-aq İnju qazaqtıñ wlttıq salt-dästürlerin de jaqsı biledi. Joğarı oqu ornındağı eşbir qoğamdıq-mädeni is-şara onıñ qatısuınsız ötpeydi. Kembridj universitetiniñ oqıtuşıları bolsa Qazaqstannıñ damu perspektivasına oñ bağa berip otır.