Kezdesude E.Idırısov Memleket basşısına 2017 jılğı qañtarda bastalatın Qazaqstannıñ BWW Qauipsizdik Keñesine müşeligi ayasındağı jwmıstarğa äzirlik barısı turalı bayandadı.

Elbası sırtqı sayasi qızmetti atqaru kezinde respublika täuelsizdiginiñ 25 jıldığına basa nazar audaru qajettigin atap ötti.

– Eldiñ halıqaralıq arenadağı bedelin arttıru üşin elşilerimiz 25 jılda qol jetkizgen jetistikterimizdi, sonıñ işinde Qazaqstannıñ respublikadan tıs jerlerdegi beybitşilik pen tınıştıqtı saqtau isine qosqan ülesin şeteldik qoğamdastıqqa körsetuge tiis, – dedi Nwrswltan Nazarbaev.

Sonımen birge, Memleket basşısı elimizge şeteldik resmi delegaciyalardıñ keluiniñ mañızdılığın ayttı.

Qazaqstan Prezidenti aldağı BWW Qauipsizdik Keñesine müşelik ayasında ötkiziletin is-şaralardıñ basımdığı bar bağıttarına toqtalıp, bwl märtebeli mindet älemdik qoğamdastıqtıñ ayrıqşa seniminiñ körinisi bolıp sanalatının jetkizdi.

Sırtqı ister ministri Qauipsizdik Keñesindegi qızmetke dayındıq belsendi türde jürgizilip, twraqtı komitetterge basşılıq jasau mindetteriniñ bölinip berilip jatqanın mälimdedi.

Bwdan bölek, E.Idırısov respublika täuelsizdiginiñ 25 jıldığı ayasında asa märtebeli meymandar qatısatın halıqaralıq konferenciya ötkizu josparlanıp otırğanın mälimdedi.

Sırtqı sayasat vedomstvosınıñ basşısı Qazaqstan Prezidentin aldağı halıqaralıq is-şaralar, sonıñ işinde basım böligi «EKSPO-2017» halıqaralıq körmesin ötkizuge baylanıstı bolatın şaralar turalı habardar etti.

Nwrswltan Nazarbaev kezdesu qorıtındısı boyınşa birqatar naqtı tapsırma berdi.