Nwrlan Noğaev elşimen orısşa söylespey, qazaqşa söylesuge şaqırdı
kerey.kz
11 qaraşada Atırau oblısınıñ äkimi Nwrlan Noğaev Niderland korol'diginiñ Qazaqstandağı, Täjikstandağı jäne Qırğızstandağı tötenşe jäne ökiletti elşisi Dirk YAn Koppen kezdesti dep habarlaydı NUR.KZ portalı.
Kezdesu basında elşi mırza oblıs äkimine orıs tilinde swhbattasudı wsındı. Nwrlan Noğaev bwl wsınıstı qabıl almadı.
«Biz Qazaqstandamız ğoy. Mısalı, men Niderland eline barar bolsam, qasıma golland tilinde söyleytin audarmaşını ertip aparamın, sondıqtan, qazir qazaq tilinde äñgimelesuge mümkindigiñiz bolmasa, keleside qazaqşa söylesuge keliseyik», – dedi Nwrlan Noğaev.
Kezdesu barısında Dirk YAn Kop Niderland korol'diginiñ Atırau oblısımen qarım-qatınastı nığaytuğa müddeli ekendigin ayttı.
«Atırau oblısı investiciya qwyuğa öte qolaylı aymaq. Sondıqtan, bizdik kompaniyalardıñ osında jwmıs istep, eki tarapqa da payda keltirulerine müddelimiz», – dedi elşi.
Ayta ketelik, 2016 jıldıñ alğaşqı toğız ayındağı körsetkiş boyınşa, oblıs pen korol'dik arasındağı sauda aynalımı 1,5 milliard dollar bolğan. Oblısta qazir gollandiyalıq kapitaldıñ qatısuımen 96 käsiporın tirkelgen.
Atırau oblısınıñ äkimi Nwrlan Noğaev Atırau oblısında Elbasınıñ ayqındap bergen sayasatın wstanu arqılı investorlarğa barınşa jaylı jağdaydıñ jasalıp jatqanın ayttı.
«Investorlarğa jan-jaqtı qoldau bildiruge dayınbız. Qarım-qatınasımızdı odan äri nığayta tüsu üşin barlıq mümkinşilikti paydalanamız», – dedi aymaq basşısı.
Ayta ketelik, qazir Atırau oblısındağı «Wlttıq industrialdıq mwnay-himiyalıq tehnoparki» arnayı ekonomikalıq aymağında 14 qatısuşı jobaların jüzege asırıp jatır. Aymaqta investorlar üşin salıqtıq, kedendik jäne basqa da jeñildikter bar.
Pikir qaldıru