“Habar” telearnasındağı “Täuelsizdik tağılımı” bağdarlamasında Qazaqstan şekarasınıñ qalay bekitilgeni aytıldı, – dep habarlaydı Tengrinews.kz tilşisiTengrinews.kz te.

“Men älemde toğızınşı orın alatın Qazaqstan şekarasınıñ zañ jüzinde qalay bekitilgeni jaylı aytqım kelip otır. Qıtay Halıq Respublikasımen öte qiın kelissözder jürgizildi. Kelissözder 1992 jılı bastalıp, 1994 jılı şekaranı jürgizu turalı kelisimşartqa qol qoyıldı, biraq eki jer telimi daulı boldı – bwl ejelgi jerlerimiz edi. HİH ğasırda jasalğan kelissözder osı daulı mäseleler jer telimderiniñ Qıtaydıñ ieliginde ekenin körsetti. Aldımızda qiın mäsele twrdı – osı territoriyağa ielik etuge qwqıq alu”, – dep eske aldı Senat spikeri Qasım-Jomart Toqaev.

Onıñ aytuınşa, qıtay delegattarı mıñ, tipti on mıñ jıl boyı kelissöz jürgizuge dayın edi, alayda qazaqstandıq sayasatkerler osı kezde Nwrswltan Nazarbaevtan kömek swradı.

“Bizdiñ Prezidenttiñ aytqan sözderi senimdi boldı, ol bwl mäseleni qazir şeşu kerek jäne jerdi Qazaqstanda qaldıru kerek dedi, sebebi bolaşaqta bwl mäsele Qazaqstan üşin de, Qıtay üşin de ülken problema tuğızadı, biz strategiyalıq seriktes bola almay qalamız dedi. QHR törağası Czyan Czemin' sol kezde “Men aşığın aytayın, qıtay halqı, onıñ işinde Gonkong pen Tayvan' halqı bwl mäseleni şeşuge qarsı” dedi. Sonımen qatar, äskeri de qarsı boldı. Prezidentimizdiñ jigeri men strategiyalıq köregendiliginiñ arqasında, bwl mäsele Qazaqstannıñ paydasına şeşildi”, – dedi sol kezde sırtqı ister ministri qızmetinde bolğan Senat spikeri.

Qıtaymen kelisimşartqa 1996 jılı qol qoyıldı, al 2002 jılı demarkaciya turalı kelisimşart jasaldı, yağni şekara belgilerin qoyu turalı şeşim.

“Özbekstanmen de, Qırğızstanmen de osınday mäsele boldı. Şekarada halıqtıñ bir-birine tığız ornalasqanı sonşalıqtı, şekara üydiñ ortasınan ötti, mäselen jatın bölmesi bizde bolsa, ashanası arğı memlekette ketti. Kelisu kerek boldı. Kelissözderdiñ soñğı kezeñinde meni auır artilleriya retinde osı mäselege aralastırdı, biz osı mäseleni şeştik, osı memleketterdiñ basşıları bizge joğarı bağa berdi”, – dep eske aldı Memleket basşısı.

Toqaevtıñ aytuınşa, Reseymen de osınday kelissözder oñay bolğan joq, öytkeni tarihtağı belgili sebepter bolğan, anığında Reseymen eşqanday da tarihi kelissözder jürgizilmegen.

“Biz äkimşilik şekara boyımen jürdik, kelissözder qiın boldı, sonda bizdiñ Prezident tağı da senimdi dälelder keltirip, qwjatqa qol qoyıldı, bwğan Resey prezidenti “Bwrınğı Keñes Odağınıñ işindegi şekara boyınşa közqarasımdı jaqsı bilesiz, biraq sizge degen zor qwrmetimmen bwl kelisimşartqa qol qoyamın da, parlamentten ratifikaciyalaudı swraymın” dedi”, – dep eske aldı Qasım-Jomart Toqaev.

2006 jılı eki eldiñ parlamenti Qazaqstan men Resey arasındağı şekaranı jürgizu boyınşa kelisimşarttı ratifikaciyaladı.

Tengrinews.kz