Kezdesu barısında taraptar Siriyadağı qaqtığıstı retteu jönindegi aldağı kelissözder mäselesin talqıladı.

Memleket basşısı Astananıñ kelissözder ötkizuge dayın ekenin aytıp, barlıq qatısuşılar üşin jağday jasalğanın atap ötti.

– Men Resey, Türkiya jäne Iran Prezidentteriniñ Astanada kelissözder ötkizu jönindegi wsınısın qabıl aldım. Biz kezdesudiñ jemisti ötkenin qalaymız. Qazaqstan kezdesuge qatısatın taraptardıñ bärimen teñ äri senimdi qarım-qatınasta bolğandıqtan, kelissözder qalıptı ötu üşin barlıq jağday jasaladı dep oylaymın, – dedi Qazaqstan Prezidenti.

Nwrswltan Nazarbaev Siriya mäselesi büginde Tayau Şığıstı ğana emes, bükil älemdik qauımdastıqtı alañdatıp otırğanın atap ötti.

– Taraptar da bolıp jatqan oqiğalarğa biz siyaqtı alañdauşılıqpen qarap otır dep ümittenemin. Sarapşılardıñ aytuınşa, qaqtığıs bastalğalı 300 mıñnan astam adam qaza tapqan. Osınıñ bäri bizdi bwl mäseleni beybit jolmen ğana şeşuge ümittenuge jeteleydi, – dedi Memleket basşısı.

Qazaqstan Prezidenti BWW-nıñ arnaulı elşisine Astanadağı kezdesu Jenevadağı beybit kelissözderge dayındıq barısına eleuli ıqpal etetinin ayttı.

Staffan de Mistura Nwrswltan Nazarbaevqa Astanada kelissözder ötkizuge mümkindik bergeni üşin BWW Bas hatşısı Antoniu Gutteriştiñ atınan alğıs bildirdi.

– Sizdiñ eliñiz halıqaralıq arenadağı eñ kürdeli tüytkilderdi retteu isinde zor täjiribesin körsetip, ülgi bolıp keledi. Qazaqstannıñ Birikken Wlttar Wyımı Qauipsizdik Keñesine twraqtı emes müşeligi Siriya qaqtığısın şeşudegi qosımşa mümkindik bolıp sanaladı, – dedi Staffan de Mistura.

Kezdesu qorıtındısı boyınşa taraptar qarulı qaqtığıstı odan äri retteu şaraları jöninde pikir almastı.