Almatıda azıq-tülikti arzan bağamen qaydan satıp aluğa boladı? (foto)
Jazdıñ soñğı ayınıñ bastaluına birer kün qalğanımen iri qalalardağı jemis pen kökönistiñ bağası arzanday qoyğan joq. Olardıñ qazirgi uaqıttağı qwnın bilu üşin NUR.KZ tilşisi köterme sauda ortalıqtarı men bazarlardağı, sauda marketterindegi bağalardı salıstırıp kördi. Almatıdağı eñ iri azıq-tülik “Altın orda” bazarındağı bağa, ärine qala ortalığındağı bağalardan äldeqayda arzan. Mısalı, mamır ayınıñ ayağınan bastap halıq köptep twtınatın jügeri sobığınıñ bağası 20 teñgeden bastaladı eken. Bwl şarualardıñ şiki jügerige naqtı belgilep qoyğan bağası emes. Bazardağı saudağa qaray osı mezgilde onıñ bağası tağı 20 teñgege köterilui de mümkin. Al bazar saudagerleri eginşilerdiñ özinen alğan jügeriniñ köterme bağasına 15-30 teñge aralığında qosıp, mınaday etip danalap saudalaydı. Qaynatılğan jügeri sobığınıñ özi Almatıda 50 teñgeden bastaladı.
