Ölgeyde «Qws qanatımen jetken sağınış» attı jır keşi ötti
Ölgey qalasında Bayan-Ölgey aymağı qwrılğandığınıñ 75 jıldıq mereytoyı ayasında «Qws qanatımen jetken sağınış» attı jır keşi ötti. Bayan-Ölgey aymağınıñ äkimi Därmen Qwzıkeywlınıñ qoldauımen, Bayan-Ölgey aymağı äkimdigi men Moñğoliya Jazuşılar Odağınıñ Qazaq keñesiniñ wyımdastıruımen ötken ruhani keşke atajwrtta qazaq jırınıñ qwdiretin asqaqtatıp jürgen Erbolat Bayatwlı, Erbol Beyilhan, Äskerhan Aqtay qatarlı aqındar, sonday-aq, Bayan-Ölgeydegi ruhaniyat tizginin wstağan ädebietşiler, ğalımdar men öner ieleri qatıstı. Jır keşin belgili aqın, ğalım Swrağan Rahmetwlı jürgizdi. Poeziya qwdireti asqaqtağan basqosuda keş ieleri jırların oqıp, jinalğan jwrttı öleñniñ swlu sazına böledi. Bayan-Ölgey topırağında ösip kele jatqan jas aqındar jır oqıdı. Dästürli änşiler qoñır dombıranı kümbirletip äuelete än saldı. Bügingi ädebiet pen öner, ruhaniyatqa qatıstı keleli äñgime de örbidi
