Janar Dwğalova: Kök tudı jelbiretip, qazaqtıñ atın şığarıp jürgen Qanat Islamdı öte qattı qwrmetteymin.
Janar Dwğalova:Kök tudı jelbiretip, qazaqtıñ atın şığarıp jürgen Qanat Islamdı öte qattı qwrmetteymin. Onıñ wltjandılığı är jasqa ülgi. Är qazaq Qanattıñ janküyeri. Jekpe-jegin körip, jeñis tilep, taqım qısıp otıradı. Näzik jandı bolsam da men de batırımızdıñ jekpe-jekterin köremin, janküyer bolamın. Ol tek boks emes. Ol jerde qazağımızdıñ namısı men abıroyı twradı. Eldiñ atın älemge tanıtıp, käsipqoy boksta äli jeñilmegen Qanat Islamnıñ jekpe-jeginde än aytu men üşin ülken baqıt. Qazir arnayı kiim tiktirip jatırmın. Ärine, qazaqı stilde. Bwyırtsa 10 künniñ işinde AQŞ-qa wşıp, 1-2 kün şoudıñ aldın ala dayındıqtarına qatıspaqpın. Jeñisti künderimiz köp bolsın! Men bwl jolı da Qanattıñ jeñetinine senemin. Qanat Islam älemge äygili Rou Djonstıñ jekpe-jeginiñ aldında öner körsetedi.
