It bolğım keledi
Marqwm Gerol'd Bel'ger jazuşı Twrısbek Säuketaevtıñ şığarmaşılığın joğarı bağalauşı edi. Bwl jöninde jazdı da. “Qazaqtıñ sınşıl oyı”, “wlttıñ sınşıl oyı” degen wğımdar Mağjan Jwmabaevpen, Jüsipbek Aymauıtovtarmen birge üzilip qalmağanı, onıñ jalğasa beretini jäne jalğasıp kele jatqanı da ayan. Körkem ädebiet – ejelden qazaqtıñ sınşıl oyınıñ wyası, iri oşaqtarınıñ biri. Öziniñ körkem şığarmalarında wltımızdıñ sınşıl oyın öristetip jürgen darındı, zerdeli jazuşılarımızdıñ biri – söz joq, jazuşı Twrısbek Säuketaev. T.Säuketaev jaqında “Men – jındımın” dep atalatın roman jazıp bitirdi. Tömende endi osı romannan üzindi jariyalap otırmız. Astanada jındıhana joq eken. Mwnda tek deni dwrıs, aqıldı adamdar twratın bolsa kerek. Ağat qılıq, oğaş oydan aulaq momaqan adamdar. Şınında da, osınday älemde joq äsem qalada
