Ministr mwğalimderdi qoğamdıq jwmıstardan bosatuğa uäde berdi
Qazaqstannıñ bilim jäne ğılım ministri Erlan Sağadiev mwğalimderdi qoğamdıq jwmıstardan bosatuğa uäde berdi, – dep habarlaydı Tengrinews.kz tilşisi. “Tağı bir mañızdı mindet – mwğalimderdi öz salasına jatpaytın jwmıstarmen aynalısuğa mäjbürleudi toqtatu. Bwl kölemdi jwmıs, alayda biz osığan kirisemiz. Büginde biz mwğalimderdiñ saraptamalardı, kartalardı, jol jüru biletterin jinaytının, tekseris ötkizetinin bilemiz. Birinşi kezekte tekserispen aynalısudı, statistikalıq mälimetterdi jinaudı toqtatamız. Mehanizmdi jasap alıp, ükimetten birqatar qaulı şığartamız, bwl arqılı basqa organdar mwğalimderdiñ eñbegin paydalana almaytın boladı”, – dedi Erlan Sağadiev. Eske salayıq, osığan deyin Mäjilis deputatı qazaqstandıq mwğalimderdiñ, tärbieşilerdiñ jäne pedagogikalıq mekemelerdiñ jwmısşılarınıñ jalaqısın ösirudi wsınğan. Bwğan Sağadiev pedagogtardıñ oqıtu jüktemesin azaytudı wsınıp, jauap bergen. Tengrinews.kz
