Memleket basşısı Qorğanıs ministri Säken Jaswzaqovtı qabıldadı
Kezdesude Nwrswltan Nazarbaevqa elimizdiñ qarulı küşteriniñ qazirgi jağdayı jäne ministrliktiñ biılğı jwmıs josparınıñ iske asırılu barısı jöninde esep berildi-dep habarlaydı Aqorda baspa-söz qızmeti. Qazaqstan Prezidenti äskeri qızmetşilerdi äleumettik twrğıda qamtamasız etu şaralarınıñ jüzege asırıluına erekşe nazar audarıp, osı bağıttağı jwmıstardı jalğastırudıñ mañızdılığın atap ötti. Qorğanıs ministri Memleket basşısına eñbekaqını köbeytu jöninde şeşim qabıldağanı üşin äskeri qızmetşilerdiñ rizaşılığın jetkizdi. Bwdan bölek, Säken Jaswzaqov Elbasığa jaldamalı twrğın-üy men twrğın-üy qwrılıs jinaq jüyesiniñ tetikterin paydalanu arqılı äskeri qızmetşilerdiñ twrğın-üy mäselesin şeşuge bağıttalğan şaralar jöninde mälimdedi. Sonday-aq, Qorğanıs ministri Memleket basşısına Qazaqstan armiyasın materialdıq-tehnikalıq twrğıda jabdıqtau jäne 2017 jılı el jastarın äskeri-patriottıq ruhta tärbieleu bağıtında atqarılğan jwmıstar jöninde mälimet wsındı. Kezdesu qorıtındısı boyınşa Qazaqstan Prezidenti
