Nazarbaev «wlı keleşek» pen Putinniñ «siñirgen eñbegi» jaylı ayttı
Ufadağı BRIKS pen ŞIW sammitteri kezinde Qazaqstan prezidenti Nwrswltan Nazarbaev Mäskeu jetekşiligindegi Euraziya odağı men halıqaralıq wyımdar äriptestigi turalı söz qozğadı. Qazaqstan prezidenti Nwrswltan Nazarbaev Başqwrtstan astanası Ufada BRIKS (Braziliya, Resey, Ündistan, Qıtay jäne Oñtüstik Afrika Respublikası) pen Şanhay ıntımaqtastıq wyımı (Qazaqstan, Resey, Qıtay, Qırğızstan, Täjikstan jäne Özbekstan) sammitteri kezinde bwl wyımdardıñ Euraziya ekonomikalıq odağımen (EEO) baylanısı turalı ayttı. Nazarbaev qazirgi ürdister jağdayında «EEO Batıs pen Şığıs arasındağı bir-birin özara tolıqtıratın ıntımaqtastıqtıñ damuınıñ jaña kezeñi retinde Wlı Jibek jolın jañğırtu üderisindegi negizgi buınğa aynaldı» degen. «Qazirdiñ özinde EEO men ŞIW arasındağı qızu dialog aldağı transqwrlıqtıq tığız ıntımaqtastıqtıñ bastaluına oñtaylı negiz qalauda. EAEO-ŞIWS köldeneñ kölik arteriyası men BRIKS-tik kölik arteriyasınıñ qosıluı
