Qazaq-qırğız şekarasındağı keşegi kepteliske qazaq şeneunikteri ayıptı
Keşe qazaq-qırğız şekarasında orın alğan keptelis biraz oyğa jeteledi. Onı Qırğız Prezidenti Almazbek Atambaevtıñ Ala-Arşa rezidenciyasında marapat tapsıru kezinde Qazaqstanğa qatıstı aytqan ötkir pikirlerimen baylanıstırıp jatırmız. Videosın birneşe ret kördim. Atambaevtıñ Qazaqstan ekonomikasına, onıñ işinde JİÖ men zeynetaqı mölşeriniñ säykessizdigi turalı aytqandarı şındıq. Oğan ertoqımdı bauırğa alıp tulaudıñ eş reti joq. Qırğız basşısı qazaq halqın emes, biliktiñ ekonomikalıq sayasatın sınap otır. Dwrıs aytılğan pikirdi dwrıs qabıldağan läzim. Ketken qiğaştıqtar jöndelui kerek. Osıdan keyin ükimet tarifterdi tömendetip, zeynetaqımdı on ese emes, eñ bolmasa eki-üş ese köterse men mülde qarsı bolmaymın. Al bizdiñ şekaralıq şeneunikterdiñ äreketi – «Taz aşuın tırnadan aladınıñ» keri. Jay halıqtıñ bwğan ne qatısı bar? Qarapayım jwrttı, balalı, ayağı
