Konstituciyağa özgerister engizu jobası jariyalandı
Qazaqstan konstituciyasınıñ kitap türindegi formasın beyneleytin installyaciya men onıñ janında twrğan qarauıl (Körneki suret). Qazaqstanda bilik tarmaqtarı arasında ökilettilikterdi bölu mäseleleri boyınşa konstituciyağa engizuge wsınılğan özgerister jönindegi zañ jobası jariyalandı. Resmi BAQ-ta jariyalanğan zañ jobasında konstituciyağa prezidenttiñ qanday ökilettikteri ükimet pen parlamentke berilmek ekeni körsetilgen. Joba boyınşa, aldımen prezidenttiñ äleumettik-ekonomikalıq procesterdi retteudegi birşama ökilettikteri ükimetke jäne basqa da atqaruşı organdarğa beriledi. Wsınılğan özgeristerde prezidenttiñ prem'er-ministrdi parlament mäjilisiniñ maqwldauımen tağayındap, ornınan alatını, ükimet qwramın prem'er wsınıp, ol mäjilistiñ maqwldauımen jasaqtalatını, tek sırtqı ister ministri men qorğanıs ministrin prezident tağayındap, ornınan alatını aytılğan. Jobada ükimettiñ memlekettiñ äleumettik-ekonomikalıq sayasatınıñ negizgi bağıttarın, qorğanıs, qauipsizdik, qoğamdıq tärtipti qamtamasız etudi ayqındap, iske asıratını, prezidenttiñ kelisimimen memlekettik
