ايبىندى ابىلاي
kerey.kz
جوڭعار حاندىعىنىڭ بيلەۋشىسى قالدان سەرەن ءبىر جولى ابىلايعا ءتورت جەندەت جۇمسايدى.
– قولدارىڭا جالاڭاش قىلىش الىپ جەتىپ بارىڭدار دا:
حاننان جارلىق بولدى،
قارادان جابدىق بولدى،
ءسىزدىڭ مەيمانىڭىز تولدى،
قۇدايدىڭ سىزگە بۇيرىقتى جازۋى، وسى بولدى،
– دەپ، شاۋىپ تاستاۋعا ىڭعايلانىپ دۇرسە قويا بەرىڭدەر. جان ساۋعا سۇراپ، بىرەۋىڭنىڭ استىڭا تىعىلىپ، باسىن قورعالاتسا، شاۋىپ ءولتىرىپ تاستاڭدار. ەگەر سارى قاسقا تەكەشە قاسقايعاننان قاسقايىپ وتىرىپ قالسا، تيمەڭدەر! قايتىپ كەلىڭدەر. كورگەندەرىڭدى ايتىپ كەلىڭدەر! – دەيدى.
جەندەتتەر حاننىڭ ۇيرەتكەن ءسوزىن جامىراي ايتىپ جەتىپ بارادى دا، ابىلايعا تۇرا ۇمتىلادى. ابىلاي وتىرعان كۇيى تيتتەي جاسقانىپ سەلت ەتپەستەن، ءتىپتى كىرپىك تە قاقپاستان قاسقايا قاراپ وتىرا بەرەدى. جەندەتتەر حالدانعا قايتىپ بارادى. – جۇرەگى تاس پا، ءمۇيىز بە! ءتۇسى دە قاشپادى عوي! – دەپ جاعالارىن ۇستاپ، ايتىپ بارىپتى.
«كونە تاريحتى كوكشە» كىتابىنان
ىقشامداعان: ماناربەك قىدىربايۇلى
Kazakh-tv.kz
پىكىر قالدىرۋ