بۇگىندە قازاقستان شوۋ بيزنەسىندە جەكە ءومىرىن ەلدەن جاسىرىپ قانا قويماي، ءتىپتى ۇيلەنىپ العان سوڭ “بويداقپىن” دەپ ەلگە جار سالۋ ءۇردىسى بەلەڭ العان. جەكە ومىرىنە، جەكە بولعاندا دا وتباسىلى، بىرنەشە بالانىڭ اكەسى ەكەنىن جاسىراتىن جۇلدىزدار سانى كۇن ساناپ ارتۋدا. قايرات باستاعان انشىلەر توبى ومىرلىك جارىن نەلىكتەن جاسىرادى؟-

دەپ جازادى nur.kz.

قايرات نۇرتاس

جۋىردا “استانا” ارناسىنىڭ “ەل اۋزىندا” باعدارلاماسىندا روزا القوجا “قايراتتىڭ اناسى ونى قىزدار باسقا ەشكىممەن ەلەستەتە المايدى” دەگەن پىكىردى ايتقانىن ەسىنە العان. دەگەنمەن، قايراتتىڭ جارى، ءۇش بىردەي بالاسى بار ەكەنىن جۇرت بۇرىننان بىلەدى. سەبەبى الەۋمەتتىك جەلىدە ونىڭ ءمىنسىز سۇلۋ جارىنىڭ سۋرەتتەرى ءورىپ ءجۇر.

تورەعالي تورەالى

قايراتتىڭ “جولىن قۋىپ” كەلىنشەگىن جاسىرىپ الەك بولاتىن انشىلەردىڭ ءبىرى – تورەعالي. سەنىمدى دەرەككوزدىڭ ايتۋى بويىنشا، ونىڭ ءتىپتى كاۋسار ەسىمدى قىزى دا بار. بۇل تۇستا تورەعاليدىڭ ايەلىمەن تۇسكەن تەك بىرنەشە سۋرەتى عانا بار. دەگەنمەن، بۇل سۋرەتتەر ونىڭ بويداق ەمەس ەكەنىن اڭعارتادى.

نۇربولات ابدۋللين

ءوزىن بويداقپىن دەپ جار سالاتىن، سولاي بولا تۇرسا دا، وتباسى بارىن قۇپيادا ۇستايتىن انشىلەردىڭ قاتارىن نۇربولات ابدۋللين دا تولىقتىرىپ وتىر.

2015 جىلى وتباسىن قۇرعان ءانشى ءالى كۇنگە دەيىن ايەلىن ەلگە كورسەتپەي كەلەدى. كورسەتپەگەنى ءوز الدىنا، ول ءتىپتى ۇيلەنگەنىن دە ەلگە ايتقىسى كەلمەيدى. دەگەنمەن، الەۋمەتتىك جەلىدەن ونىڭ تويىنداعى سۋرەتتەرىن كوپتەپ تابۋعا بولادى. جارىنىڭ ەسىمى – گۇلفاريدا.

ايقىن

الەۋمەتتىك جەلىدەگى پاراقشاسىنان ايقىننىڭ ۇيلەنگەن-ۇيلەنبەگەنىن انىقتاۋ مۇمكىن ەمەس. سەبەبى ول جەكە ءومىرىن اسا قۇپيا ۇستايدى. دەگەنمەن ول 2016 جىلى العاش رەت ءوزىنىڭ ايەلىن كورسەتتى. سوسو پاۆلياشۆيليمەن بىرگە تۇسىرگەن كليپىنە ول كەلىنشەگىن ءتۇسىرىپ، ەلدى تاڭعالدىردى. ايقىننىڭ ايەلىنەن بولەك، ەكى بالاسى بارىن جۇرت سول كەزدە ءبىر-اق ءبىلدى. دەگەنمەن، ول قازىردىڭ وزىندە ءوزىنىڭ جارىن جاسىرۋمەن جۇرەدى.

ءابدىجاپپار القوجا

ءابدىجاپپار القوجانىڭ ۇيلەنگەنى بۇكىل ەلگە بەلگىلى بولعانىمەن، ونىڭ ايەلىمەن بىرگە تۇسكەن ءبىر عانا سۋرەتى جۇرتقا تانىس. سەبەبى ول وتباسىن كورسەتپەۋگە بارىنشا تىرىسىپ باعادى.

وتاندىق ارنالارعا بەرگەن سۇحباتىندا ول وتباسىن كورسەتۋدە ءجون سانامايتىنىن جەتكىزگەن.