تالدىقورعاندا 2017 جىلعى 11 مامىردا دۇنيەگە كەلگەن مۋسليما ساماتقىزى قازاقستاننىڭ 18 ميلليونىنشى تۇرعىن بولدى، دەپ حابارلايدى ۇلتتىق ەكونوميكا مينيسترلىگىنىڭ ءباسپاسوز قىزمەتىنە سىلتەمە جاساپ Sputnik قازاقستان.

تالدىقورعان تۇرعىنىنىڭ دۇنيەگە كەلۋىمەن قازاقستان حالقىنىڭ سانى 18 ميلليونعا جەتتى.

“مۋسليما ساماتقىزى 11 مامىر كۇنى الماتى وبلىسىنىڭ تالدىقورعان قالاسىندا دۇنيەگە كەلدى. تۋعان كەزدەگى نارەستەنىڭ سالماعى 3300 گرامم، ال بويى 51 سم بولدى. ءسابيدىڭ اتا-اناسى تالدىقورعان قالاسىندا تۇرادى: اناسى – ومارحانوۆا ديانا ەريكقىزى – دەفەكتولوگ، 1991 جىلى، اكەسى بەستىباەۆ سامات ەركينبەكۇلى — مۇعالىم 1982 جىلى دۇنيەگە كەلگەن”، — دەپ اتاپ ءوتتى مينيستر.

ۆەدومستۆودا اتاپ وتكەندەي، 18-ءشى ميلليونىنشى تۇرعىننىڭ تۋعان كۇنىن انىقتاۋ بارلىق دەموگرافيالىق وقيعالاردى: حالقى سانىنىڭ ءوسىم (تۋ جانە يمميگراتسيا) جانە تومەندەۋ ء(ولىم جانە ەميگراتسيا) كومپونەنتتەرىن ەسكەرە وتىرىپ جاسالدى.

جالپى، تاۋەلسىزدىكتىڭ جىلدار ىشىندە حالىق سانى 1 562,5 مىڭ ادامعا نەمەسە 9,5%-عا ءوسىپ، اعىمداعى جىلدىڭ 1 ماۋسىمىندا 18 014,2 مىڭ ادامدى قۇراعان.     دەرەككوز: Sputnik كازاحستان   nur.kz