اسپاننان تۇسكەن ميلليونەر
kerey.kz
facebook پاراقشاسىنان
“سىعاناق” قالاسىنىڭ ىشىندە “قازاق ەلى” تاريحي سەريالىنىڭ “حالىق كوتەرىلىسى” ساحناسىن ءتۇسىرىپ جاتقان ەدىك. دəل توبەمىزدەن “گۇر” ەتىپ، “بيدايىقتىڭ كول جايقاعان جالعىزىنداي” ءبىر تىكۇشاق ۇشىپ وتە شىقپاسى بار ما! “مىناۋ قايتەدى-ەي”، – دەپ قويىپ، ءتۇسىرىلىمدى جالعاستىرا بەردىك. سالدەن سوڭ، تۇسكى اسقا بەرىلەتىن 40 مينۋتتىق ءۇزىلىستى پايدالاناتىن əدەتىممەن ىلە بويىن جاعالاپ كەتتىم. جوعارى ورلەپ كەلە جاتىر ەدىم، باعاناعى تىكۇشاقتىڭ وكپە تۇسىمنان شىعا كەلگەنى. تىم تومەندە ۇشىپ ءجۇر، قامىسقا قونايىن دەپ جۇرگەن كəدىمگى ينەلىك سياقتى، ۇشكىل تۇمسىعىمەن سۋ جاعاسىنداعى الىپ جارتاستارعا سۇيكەنە تاياپ بارىپ “ۇڭىلەدى” دە، قايتا سەرپىلەدى. ءبىر كەزدە شۇعىل بۇرىلىپ، وسىنىڭ ءبəرىن قىزىقتاپ قاراپ تۇرعان ماعان قاراي توتەلەي سالدى. Əۋەلدە ءوتىپ كەتەر دەپ ويلاعان ەم، جوق، تۋرا مەنى بەتكە الىپ، دəل قاسىما قونعالى كەلە جاتىر. بۇل دا ءبىر قىزىق بولدى عوي دەپ، قارسى ءجۇردىم. سول ەكى ورتادا جەرگە قونعان شاي قاسىقتاي عانا تىك ۇشاقتىڭ اياداي كابيناسىنان جاپىرلاسىپ ءۇش ادام ءتۇستى دە، ىرجيا كۇلىپ، ماعان قاراي ادىمدادى. ءبىر-ءبىرىمىزدى باياعىدان بىلەتىن كىسىلەرشە ەمەن-جارقىن امانداسىپ، ءجون سۇراسىپ جاتىرمىز.
- مەنىڭ اتىم ستەپان، مىنا كىسىنىڭ ەسىمى اندرە، شۆەيتساريا بانكىسىنىڭ باسشىسى، قازاقستانعا ارنايى ساياحاتقا كەلدى، əلەمدەگى ۇلى شىڭداردىڭ تۇگەلگە جۋىعىن وتتەگى قۇتىسىن پايدالانباي باعىندىرعان اتاقتى، كəسىپقوي الپينيست، ەندىگى ارمانى ءحانتəڭىرى شىڭىنا شىعۋ، بۇگىن ءحانتəڭىرى شىڭىن بارلاپ قايتۋعا شىعىپ ەدىك، جولىمىز بولمادى، الاتاۋدى قالىڭ بۇلت قۇرساپ جاتىر ەكەن، امالسىز كەرى بۇرىلىپ، ىلە بويىن شولا كەتەيىك دەپ شەشتىك، بۇل كىسىنىڭ كەلگەندىگى ءبىر ماقساتى – “تاڭبالى تاستى” كورۋ ەدى، كورىنگەن جارتاستىڭ توبەسىنە ءشۇيىلىپ ونى دا تابا المادىق، ەندى قايتىپ بارا جاتىرمىز، بىراق، اندرە مىرزا سىزدەر كينو ءتۇسىرىپ جاتقان مىنا قامالدىڭ ءىشىن ارالاپ كورگىسى كەلەدى، بۇل مۇمكىن بە، ءسىز مۇندا كىم بولىپ ىستەيسىز، ءبىزدى ىشكە وتكىزە الاسىز با؟ – دەپ ءوتىنىش بىلدىرە توقتادى اۋدارماشى.
مەن ءجونىمدى ءبىلدىرىپ، ولاردىڭ بۇل ءوتىنىشىن ورىنداۋعا پارمەندى ەكەنىمدى ايتقانىمدا ەكەۋى كəدىمگىدەي قۋانىسىپ قالدى. ء“تىپتى “تاڭبالى تاستى” دا كورسەتەمىن”، – دەگەنىمدە، əسىرەسە ميلليونەر بانكير (əيگىلى شۆەيتساريا ميلليونەرى ەكەن) بالاشا مəز-مەيرام بولدى:
- باعانا ۇستەرىڭىزدەن تومەن ۇشىپ وتتىك، كينو ءتۇسىرىپ جاتقاندارىڭىزدى كەش بايقادىق، تۇسىرىلىمدەرىڭىزگە كەدەرگى جاساساق، عافۋ ەتىڭىز، – دەپ قالبالاقتاپ جاتىر بانكير مىرزا.
جۇرە əڭگىمەلەسىپ، “سىعاناقتىڭ” ىشىنە كىردىك، ءىشى-سىرتىن تەگىس ارالاتىپ، اكتەرلەرمەن تانىستىردىم، ولار دا جاپىرلاسىپ فوتاعا تۇسۋدە، اندرەنىڭ دە قولاعاشتاي فوتااپاراتىندا تىنىم جوق، əسىرەسە وعان تۇيەلەر قىزىق بولدى-اۋ دەيمىن، əيتەۋىر شىرتىلداتىپ باعۋدا. ءسويتىپ جۇرگەندە ساعاتتارىنا جالت-جالت قاراسقان ساياحاتشىلار ۋاقىتتارىنىڭ بولىپ قالعانىن ايتىپ، تىكۇشاقتارىنا قاراي اسىعا باسىپ، جونەپ بەردى. كەتىپ بارا جاتىپ قولىمدى ريزاشىلىقپەن قىسىپ تۇرىپ، “تاڭبالى تاستىڭ” جولىن سۇراۋدى دا ۇمىتقان جوق.
جولاۋشىلارىن مىنگىزىپ الا سالا، قاسىقتاي تىكۇشاق ينەلىكتەي لىپ ەتىپ جوعارى كوتەرىلدى دە، ءدوڭ ماڭدايىن “تاڭبالى تاسقا” قاراي توسەپ، ۇشا جونەلدى. ءبىز تومەندە قالا بەردىك. تىكۇشاقتى كوزىممەن ۇزاتىپ سالىپ تۇرىپ: “سامولەت، سامولەت، ءبىزدى وزىڭمەن الا كەت” دەگەن بالا كەزدە ايىرپلان كورگەندە ايتاتىن ء“əندى” ىشىمنەن ايتىپ تۇرعانىمدا، نەگە ەكەنى بەلگىسىز، ۇرلاعان اقشاسىن وفشورلارعا تىعاتىن ءوزىمىزدىڭ جەمقور شەنەۋنىكتەر ەسىمە ءتۇستى…
مىنا سۋرەتتەر سوندا تۇسكەن فوتالار ەدى:
پىكىر قالدىرۋ