قاليحاندى جابىلىپ ۇرىپ، قابىرعاسىن سىندىرعان ورىستاردى ولجاس يتشە تەپكىلەگەن ەكەن…
kerey.kz
ولجاس سۇلەيمەنوۆتىڭ نايزاعاي نامىستى ازامات ەكەنىن كوپشىلىك بىلەدى. ول شىعارماشىلىعى مەن عىلىمي زەرتتەۋشىلىك جولىندا تۇركى ءناسىلىنىڭ ورنى ءاماندا توردە ەكەنىن دالەلدەي ءبىلدى. زامانداستارىنا، باۋىرلارىنا جاساعان قامقورلىعى، جومارتتىعى مەن نامىسىن جىرتۋى دا تالاي اڭگىمەنىڭ جۇگى. سونداي وقيعانىڭ ءبىرىن قازىنا ءتىلدى قالامگەر، ايگىلى دراماتۋرگ، مەملەكەتتىك سىيلىقتىڭ يەگەرى قاليحان ىسقاق “كەلمەس كۇندەر ەلەسى” رومان-ەسسەسىندە بىلاي سۋرەتتەيدى. ول كەزدە جازۋشى ماسكەۋدە ادەبيەت ينستيتۋتىندا ءبىر توپ قازاق قالامگەرلەرىمەن قاتار وقىپ جاتسا كەرەك.
ء“بىر كۇنى كەشقۇرىم بولمەمە سۋرەتشى ىدىرىس قارساقباەۆ كىرىپ كەلدى. ءبىر كوزى شودىرايىپ ءىسىپ كەتكەن. كەلىنشەگى سارا لاعمان سوزىپ، مەنى شاقىرىپ كەل دەپ جۇمساپ جىبەرسە كەرەك. ليتينستيتۋتتا وقيتىن اقىنسۇرەي پرەدرەەۆ، يۆانوۆ باستاعان بەس جىگىت باسپالداقتا كەزدەسىپتى دە تەمەكى سۇراپتى. ىدىرىس شىلىم شەكپەيتىن. ءجونىن ايتسا، ءاي-ءشاي جوق قۇلاق-شەكەدەن سالىپ جىبەرىپتى. كۇندە كورىپ جۇرەتىن سالبوكسە بادىك جىگىتتەر ەدى، وقىعاندارىنان وتىرىك وقىرانۋى كوپ، بىردە كەلىپ تەمەكى سۇراپ، تاعى كەلىپ نان سۇراپ اكەتەتىن. تانىس بولعان سوڭ، جىگىتتەر، بۇلارىڭ نە دەپ رەنىش ايتۋعا بارمايمىن با، ءبىر اۋىز سوزگە كەلمەستەن ەسىكتى تارس جاۋىپ جابىلىپ بەرسىن…
ەكى قابىرعام سىنىپ كورسەتپەن جاتسام… … بۇرالىپ توسەكتە جاتىر ەدىم ولجاس كەلە قالعانى. امەريكا ساپارىنان ورالعان بەتى ەكەن. حال-جاعدايىمدى سۇرادى. وتىرىپ شاي ىشكەن سوڭ ساقال-مۇرتىن قىردى دا سومكەسىن اشىپ، ءالى كىر شالماعان قارا شالباردى ماعان قاراي اتىپ ۇردى. امەريكا ساپارىنا ادەيى ارناپ تىكتىرگەن ەكەن. توبەلەسەمىن دەپ جۇرگەندە جالعىز كاستومنىڭ شالبارى قاپتالىنان قاقىراپ تۇسكەن، تىسقا شىقپاعانىما دا ءبىراز كۇن بولعان ەدى، ولجاس كەلمەگەندە جالاڭبۇت قالعانداي ەكەنمىن. جىميىپ كۇلدى دە كەتەرىندە:
-ستاريك، مىناۋ داستارحانىڭدى ءسۇرتىپ، رەتتەپ قويمايسىڭ با،- دەپ ەسكەرتۋ جاسادى.
داستارحاننىڭ الىپ-جۇلىپ بارا جاتقان ەشتەڭەسى جوق سياقتى ەدى، دەگەنمەن تارتىپكە كەلتىرەيىن دەپ اسجاۋلىقتى كوتەرىپ قالىپ ەدىم، استىنان قىزىل قۇلاق كىل ونسومدىقتار ەدەنگە شاشىلىپ ءتۇستى. تۋرا ءجۇز سوم ەكەن. كۋرسانتتىڭ ءبىر ايلىق ستيپەندياسى. ءارى شالبارلى، ءارى اقشالى بولىپ قارق بوپ قالعانىم. كەيىن جىگىتتەردەن ءبىلدىم، ولجاس سول كۇنى پرەدرەەۆ باستاعان ءتورت-بەس بۇزاقىنى قوناق ۇيگە شاقىرىپ، اراققا تويعىزىپتى دا ماسكەۋ كانالىنىڭ كوك مۇزىنا شىعارىپ الىپ يتشە تەپكىلەپتى…
ايبەك ورالحاننىڭ facebook پاراقشاسىنان الىندى
پىكىر قالدىرۋ