جاڭالىقتار كوز قاراس ساياسات سۇحباتتار
اەس سالۋ رەسەيدىڭ قالاۋى عانا – بوزىمباەۆ
kerey.kz
© تۇرار قازانعاپوۆ
ەنەرگەتيكا ءمينيسترى قانات بوزىمباەۆ قازاقستانداعى اەس قۇرىلىسىنا قاتىستى پىكىر ءبىلدىردى، – دەپ حابارلايدى Tengrinews.kz ءتىلشىسى.
بۇل تۋرالى ول پرەزيدەنت تەلەراديوكەشەنىنە بەرگەن سۇحباتىندا ايتتى.
“قازىر قوعامدا وسى ماسەلە تۋرالى قىزۋ پىكىرتالاس ءجۇرىپ جاتقانىن تۇسىنەمىز. ارينە، سەمەي يادرولىق پوليگونىنا بايلانىستى قورقىنىش تۋىپ جاتىر. زارداپ شەككەن حالىق ول وقيعانى ۇمىتقان جوق. سونداي شەشىم قابىلدانىپ جاتسا، بارلىعى زاڭ بويىنشا قابىلدانادى. قانداي جاعداي بولسىن حالىق پىكىرى ەسكەرىلەدى. سەبەبى قوعامدىق تىڭدالىمدار وتەدى. جەرگىلىكتى اتقارۋشى ورگاندارمەن كەڭەس وتكىزىلەدى. ۆلاديمير ۆلاديميروۆيچ ءپۋتيننىڭ ايتقانى – رەسەيلىك تاراپتىڭ قالاۋى عانا. ءبىز وسى ماسەلە جايلى حالىققا ايتىپ وتىرامىز، بارلىعى ۇكىمەت باسشىلىعىنىڭ، سونداي-اق، مەملەكەت باسشىسىنىڭ باقىلاۋىندا بولادى”، – دەدى مينيستر سۇحباتىندا. ەسكە سالايىق، وسىعان دەيىن الماتى وبلىسىندا اەس قۇرىلىسىنا ارنالعان جەردىڭ انىقتالعانى جايلى حابارلانعان بولاتىن. “الاڭ الماتى وبلىسى ۇلكەن اۋىلى بولىپ تاڭدالدى. بىزدە اەس قۇرىلىسى بويىنشا ءالى شەشىم قابىلدانعان جوق. ءبىز ازىرشە الاڭدى انىقتادىق، ءبىز ەڭ قولايلى تەحنولوگيانى تاڭدايمىز”، – دەگەن ەدى سەناتتىڭ قۋلۋارىندا ەنەرگەتيكا ءمينيسترىنىڭ ورىنباسارى ماعزۇم مىرزاعاليەۆ.
Kaz.tengrinews.kz
1 پىكىر
Ģaliy Baysimaq
Eshkim AES salmau kerek dep jatqan joq. Basti mäsele oniñ qorshaģan ortaģa adamzatqa qäuipsizdi jayinda bolip otir. Bäri ekspertter aytip jatir AES oyinshiq emes. Bul energetikaliq turģuda paydasimen qatar ziyani da bar önerkäsip türi. Basqariwda mült ketseñ keshirmeydi. Ukrainadaģi ötken ģasirdaģi apat bäriñizdiñ esiñde boliw kerek. Soni esten shiģarmau kerek. Endi AES saliw Rüssiyege tirelip qalģan joq qoy. Älemde tekhnologyasi öte küshti damiģan elder bar. Olar Japoniya Fransiya AQS Älemaniya siyaqti elder. Nege Rüssiye? Bul memleket teknologyasi eski bayaģi sovettik jüyemen äli künge sheyin kele jatir. Bulardiñ özi sol AES qurulģilarin Batistiñ örkeniyetti elderinen aliwda. Demek tübinde teknologyaliq artta qaliw üstinde. Budan shiģatin qoritindi: egerakiy Rüssiye salatin bolsa tübinde onda eski jabdiqtarin ornatatin boladi. Al bul qäuiptilik därejesin arttira tüsetin boladi. Odan göri Fransa memleketine saldirsaq tübi jaqsi bolar edi degen pikiridemin. Qansha degenmen Europa qäzirgi zamanģi teknologyasi öte jaqsi damiģan aymaq qoy. Äri Fransada onnan asa AES salinģan. Demek täjiriybesi öte joģari deuge negiz bar. Ol elde apatti jaqday orin alģan joq.