باقىتبەك
kerey.kz
…بۇلعىن دەگەن – ۇشقاتتى قويناۋ، ۇلارلى، ۇشپالى ۇيىق ءدۇر. جۋسانى ۇلبىرەك، يزەنى تاباداي، جيرەنى كۇدىرەيگەن تۇمەن بەلەستەردەن مۇنارتى-ىپ تۇراتىن ءتاڭىر جەر. التايدىڭ تۇمان جامىلعان جۇلگەسىنىڭ ىرگەلى قيىعى وسى ءوڭىر. وسى بەيعاجايىپ مەكەننىڭ باسى – جايلاۋ، بالاعى- كۇزەۋ، ويپاتى قىستاۋ. باق تۇنعان بايالىش، اقبۇيرا وزەندى ولكەدە باقىتبەك ءبامىش تۋىپتى. شۋداباي ءباھادۇر زاڭگىنىڭ تابىنان. مەن ونى “تىرىدەي” توقسانىنشى جىلى كوردىم! قان – ءسولى جوق اقسۇرى، سۇرقى سۇستى سۋىق، يىعىنان تومەن جەلبىرەگەن جالبىر شاشتى، وسىزاماناۋي “بابا تۇكتى شاشتى ءازيز”!!! قولتىعىنا قىسقانى ماعاۋيننىڭ ەكى كىتابى… ساۋساعىندا بادانا تاستى جىلتىراق جۇزىگى بار ايتەۋىر سىقيىپ كەلىپ تۇر. تۇرىنەن، قيمىلىنان، ءشالت مۇرت قويىسىنان ەجەلگى massagtai مە، تەكتى ماعاۋين بە، ايتەۋىر ءبىر سۇلبا كورىنەردەي. وزىنە سەنىمدى، كۇرەڭكى پاڭ! ەجەلگى تانىسىنداي ەجىرەيىپ كەلىپ ءاي، ءشايسىز ء“جۇر” دەيدى! كەۋدەسىنە كيگەنى موڭعولدىق جاس سانقويلارعا ءتان قۇراق- قۇراق قىرىم كۇرتەشە. كەتتىك! وزىنەن گورى قازاق ادەبيەتىنىڭ كۇيىن شەرتىپ-شەرتىپ جىبەرەدى. كوبىنەسە كوڭىلى تولمايدى!؟ قايدا توقتايتىنىن دا ءوزى بىلمەيدى! سول كەزدەگى بىزدەر ونىڭ تاناۋىنىڭ استىندا كۇنەلتىپ جۇرگەندەي سەكىلدى ەكەنبىز! – ولەڭىڭ جاقسى، دەيدى. كەكىرەڭ! بىراق، ءوزى عانا وقي جونەلەدى ەكەن!؟ ءتىپتى الدى، ارتىندا ەشكىم جوقتاي دەس بەرمەي سويلەۋى ماعان ۇناي قويماعان. ەسىمدە قالعانى – “اراۋاق” دەگەن ولەڭى. دەمىگىپ، سىلكىنىپ الادى… “ەدىگەنىڭ جىرىن” – “… مەن بۇگىنگى تۇسىمدە… دەپ، ەربيگەن مۇرتىن ەرىنىمەن كوسەپ وقيدى! جىپسيگەن قاراقتى كوزىنەن جاس پارلاپ،كىرپىگىن شىلايدى! زۋقانىڭ ۇرپاعى، باندىنىڭ كەيكيگەن ءىزى – كەيپىنەن تىس مۇلدەم كوڭىلشەك پاك! و، دۇنيە! كەشۋ، كەشۋ وتىنەم! ء…بىز ساتتەن كەيىن دوس بولىپ كەتتىك. تاڭداۋى پوەزيا بولسا دا كەزەگىندە ءتورت امالدان ورلەپ، فيزماتپەن شاتىسقان.عىلىمي زادىلى شامالى تەحنولوگ! ىزدەنىسى قونىمدى وزىنە. ول، ءوزىن ءزىم كىدىرلى ءمىر تارتپاداي شىڭاي بەردى. سودان بەرى ءبىرشاما زامان ءوتتى.ول،نە جازسا دا شارقاتتى،شاتقالدى بۇلا بۇلعىندى سىزدى، جىرلادى.باراقات بۇلعىننىڭ قاراقاتىنىڭ دامىندەي ولەڭدەرى كىدى! “…سىرقىراعان سۇيەگىم، سەنىڭ تاسىڭ – بۇلعىنىم…” قاراكولدەي تۇنجىر شۋماق! باقىتبەكتىڭ ءبىر ولەڭىنەن كىشى ەلىنىڭ ەرلىك ءىسى، سانقيلى كىسىلەر تاعدىرى ۇندەسە، ءبىر ولەڭىنەن ەرمەن ءيىسى اڭقيدى! ازاماتتىق زەردەسى ورەن بيىك! تاماشا پوەمالار مەن كىل ولەڭمەن رومان ۇسىندى! الدەبىر توسىن تاقىرىپپەن ەڭبەك قورعادى. ماعان بىردە – “ايتورى عۇمىر” جيناعىن جولداپتى. مۇقابادا جاعىز تال بىلتە تۇر! وشپەيتىن شىراق!!! باقىتبەك دوس الماتىدا اق ەسپە جىر كەشىن شيراتپاق.قۇتتى بولسىن! ونىڭ بۇتكىل عۇمىرى – ولەڭ! ماعاۋيننىڭ اعاسىنىڭ كۇدىر جولىمەن جورتقان ءبورى تەكتى اقىن امان بولسىن! سۇراعان راحمەتۇلى بەينەنى جوبالاعان جۇماباي ءمادىبايۇلى
Kerey.kz
پىكىر قالدىرۋ