قۋات الاڭعا قارا حالىقتى قولداۋعا شىقتى
kerey.kz
ايتپاسا ءسوزدىڭ اتاسى ولەدى.
ەسكى ادىسپەن جاڭا قازاقستان قۇرا المايمىز-اۋ…
قۋات “نايمان” حاميتوۆ الاڭعا قارا حالىقتى قولداۋعا شىقتى جانە ۆيدەودا “جىگىتتەر، قازىر جاڭاوزەندى قولداۋ ۆيدەوسىن تۇسىرگەن سوڭ تاراڭدار”،-دەپ ايتقانى انىق تۇسكەن. ارينە، قۋات قازاقستان تاريحىنداعى ەڭ كەرەمەت سپورتشى ەمەس. بىرەۋ ءۇشىن ورتاڭقول، بىرەۋ ءۇشىن ءبىراز جەتىستىككە جەتكەن ادام. بىراق، تۇزى جەڭىل جىگىت. ءاردايىم حالىق جاعىن ۇستانامىن دەپ وسىنداي كەلەڭسىزدىككە ءجيى ۇرىنادى.
تۇسىنەم، كۇشتىك قۇرىلىمداعى جىگىتتەردىڭ ءبىر قاتاردا تۇرعان، ءبىر كازارمادا جاتقان، روتالاس دوسترى قازا تابۋدا. بىراق، ونىڭ ءوشىن كىم-كورىنگەننەن الا بەرۋگە دە بولمايدى. كۇشىڭدى سودىرلارعا كورسەت تاسىپ بارا جاتسا. قارا حالىق تا قىرىلۋدا((
الاڭعا بەيبىت حالىق شىقتى. مەيلى، قاي وبلىستى الىپ قاراساق تا بەيبىت حالىق شىققان و باستا. سوڭعى كۇنى اراسىنا ارانداتۋشىلار كىردى. ءبىر ايماقتار اراندادى،كەلەسىلەر جوق دەگەندەي… قۋراعان قۋرايدىڭ ءبىر شەتىنە وت قويا سالدى. شارۋا سونىمەن ءبىتتى.
سەبەپ جانە سالدار دەگەن ءسوزدى ۇمىتتىق.
مەن دە شىقتىم الاڭعا. نە ءۇشىن؟
بەيبىت حالىققا وق اتىلماسىن، قوس بۇيىردەن قىسقان قىمباتشىلىقتى اۋىزدىقتار ما ەكەنسىزدەر دەگەن نيەتپەن ششىقتىم. ەندى ۇيدە وكپەمە سۋىق ءتيىپ جاتىسىم مىناۋ. ءدارى الۋعا تەڭگەم جوق. بولنيچنىي اشقانىما ءمازبىن. ايلىعىم جەتپىس مىڭ. بىراق، مەن ول جەردە ايلىعىمدى كوتەر دەپ ايقايلامادىم. وكپەمە سۋىق تيەر دەپ ويلامادىم. مەملەكەتىمنىڭ ىرگەسى امان بولسىن، جاستار بىردەڭەگە ۇرىنىپ قالماسىن دەپ تۇردىم. سەبەبى، ارامىزدا ارەدىك جان-جاقپەن بايلانىسىپ، جاعدايدىڭ ۋشىققانىن ءبىلىپ تۇرعان جىگىتتەر بولدى.
شامام كەلگەنشە اكيماتقا باستاعان، جولدى جابامىز دەگەن جىگىتتەردى توقتاتتىم. اتىمدى ايعايلاپ اتاپ ەكى رەت شاقىرىپ الدى حالىق.
ماسەلەن، وسى ارەكەتىمنەن سوڭ مەنى دە الىپ كەتىپ يتشە تەكپىلەسەڭىزدەر مەن سىزدەردى ەندى قولدايمىن با؟ ول ۇلكەن سۇراق. ىشتەي تىنار ەم. ءساتىمدى كۇتەر ەم. سوندىقتان دا، كۇشتىك قۇرىلىمدار توقاەۆ مىرزانىڭ سەنىمىن اقتاڭىزدار. ەلدىڭ اماندىعىنا سىزدەر دە جاۋاپتىسىزدار. ءبىز ءبىر-بىرىمىزگە جاۋ ەمەسپىز. جاڭا قازاقستان دەدى مە، سوعان لايىق جۇمىس ىستەيىك. مەن ءۇشىن مەملەكەت مۇددەسىنە جۇمىس ىستەۋ زاپادلو ەمەس. تەك، مەملەكەتىمنىڭ باعىتى ايقىن بولۋى ءتيىس.
پىكىر قالدىرۋ