قاراپايىم حالىق وكىلىدەرىن زاڭسىز قۋدالاۋعا جول بەرمەۋگە شاقىرادى
kerey.kz
حالىقارالىق «قازاق ءتىلى» قوعامىنىڭ
مالىمدەمەسى
2022 جىل قازاقستاندا گاز باعاسىنىڭ ءوسۋى مەن الەۋمەتتىك-ەكونوميكالىق جاعدايدىڭ اۋىرلىعىنا قارسى حالىق نارازىلىعىنا ۇلاسقان كۇردەلى احۋالدىڭ تۋىنداۋىمەن باستالدى.
وسى كۇردەلى جاعدايدى پايدالانىپ، الپاۋىت توپتار مەملەكەتتىك توڭكەرىس جاساۋ ماقساتىمەن بيلىكپەن ديالوگ ورناتۋعا تىرىسقان بەيبىت ميتينگىلەردى اۋەلى باسبۇزارلىققا ارانداتتى، كەيىن توناۋ، ۇرىپ-سوعۋ، سوڭى اتىس-شابىسقا قاسقانا اينالدىردى.
سونىڭ كەسىرىنەن سودىرلاردىڭ قاندى كولىنان ءتارتىپ ساقشىلارى مەن اسكەري كۇش ساربازدارى عانا ەمەس، بەيبىت شەرۋشىلەر دە جاپا شەكتى، كەيىننەن سودىرلارعا قارسى وپەراتسيالاردى ورىنداۋ بارىسىندا دا بەيبىت تۇرعىندار وققا شالىنىپ، ادام ءولىپ، جاراقات العان جايتتار ورىن الدى. سونىمەن بىرگە بەيبىت ميتينگىگە قاتىسقان ازاماتتاردارىڭ ءىستى بولىپ جاتقانى تۋرالى دا اقپارات ەل ءىشىن الاڭداتىپ وتىر.
قانشا جاندى قۇربان قىلعان، قانشا جىلعى يگىلىكتى ءبىر ساتتە قۇرتىپ-جويىپ، ەلدى جويقىن شىعىنعا ۇشىراتقان بۇل دۇربەلەڭنىڭ باستى سەبەبى حالىق پەن بيلىك اراسىنىڭ اجىراۋىنان تۋىنداعانىن مەملەكەت باسشىسى قاسىم-جومارت توقاەۆ ءوزىنىڭ ماجىلىستەگى سوزىندە اشىق ايتتى.
سوندىقتان كوزى اشىق، كوكىرەگى وياۋ جۇرتشىلىقتى ەل پرەزيدەنتىنىڭ ماڭىنا توپتاسۋعا، مەملەكەت ساياساتىن كەرى كەتىرۋگە جول بەرمەۋگە شاقىرامىز.
سونىمەن قاتار، حالىقارالىق «قازاق ءتىلى» قوعامى وسى مالىمدەمەسى ارقىلى ناعىز بۇلىكشىل مەن باسبۇزار، توناۋشى مەن لاڭكەستى انىقتاۋ جانە ولاردى ادىلەتتى جازالاۋ، ال ميتينگىگە شىققان، ازاماتتىق بەلسەندىلىك كورسەتكەن قاراپايىم حالىق وكىلىدەرىن زاڭسىز قۋدالاۋعا جول بەرمەۋگە شاقىرادى.
حالىقارالىق «قازاق ءتىلى» قوعامىنىڭ پرەزيدەنتى
بەرىك ابدىعاليۇلى
پىكىر قالدىرۋ