جاھان جاڭالىقتارى ساياسات

ۋكرايناداعى سوعىستىڭ جەتىنشى كۇنى. نە بولىپ جاتىر؟

kerey.kz

 |  Mar 2, 2022

2 ناۋرىز. ۋكرايناداعى سوعىستا ءدال قازىر نە بەلگىلى؟

• سارسەنبىگە قاراعان ءتۇنى رەسەي جيتومير قالاسىنا اۋەدەن شابۋىل جاسالىپ، كەمى ەكى ادام قازا تاۋىپ، ون ءۇي قيراعان. رەسەي وسىعان دەيىن كيەۆ، حاركوۆ جانە باسقا دا قالالارعا شابۋىل جاساعان.
• ۋكراينا تارابى 5840 رەسەيلىك اسكەريلەر وپات بولعانىن مالىمدەدى. بىراق سوعىس كەزىندە بۇل دەرەكتەردى تەكسەرۋ وتە قيىن. رەسەي جاعى اسكەريلەر اراسىندا قازا بولعاندار بارىن بىرنەشە رەت ايتقانىمەن، ناقتى سانىن ايتپاي وتىر.
• قازاقستان پرەزيدەنتى توقاەۆ پەن رەسەي پرەزيدەنتى پۋتين تەلەفون ارقىلى سويلەسىپ، ۋكرايناداعى جاعدايدى تالقىلاعان. اقوردانىڭ حابارلاۋىنشا، توقاەۆ ۋكرايناداعى جاعدايدا “كەلىسىمگە قول جەتكىزۋدىڭ اسا ماڭىزدى ەكەنىن اتاپ وتكەن”.
• Boeing رەسەيلىك اۋە كومپانيالارىنا تەحنيكالىق قىزمەت كورسەتپەيتىنىن مالىمدەدى. اقش رەسەي ۇشاقتارىنا اۋەسىن جاپتى.
• بۇۇ بوسقىندار جونىندەگى كوميسسارىنىڭ ءباسپاسوز قىزمەتى سوعىس باستالعالى ۋكراينادان 835,928 ادام بوسىپ كەتكەنىن حابارلادى.
• “وۆد-ينفو” دەرەگىنشە، رەسەيدە سوعىسقا قارسى نارازىلىق كەزىندە جەتى مىڭداي ادام ۇستالعان.
• ۋكراينالىق اسكەريلەر كيەۆتەگى تەلەمۇناراعا “كاليبر” قاناتتى راكەتادان شابۋىل جاسالعانىن انىقتادى، مۇنداي ەكى راكەتا اتىلعان. 1 ناۋرىزدا رەسەي كيەۆتەگى تەلەمۇناراعا اۋەدەن شابۋىلداپ، كەمى بەس ادام قازا تاپقان ەدى.
• ەۋروپا وداعى رەسەيگە ەۋرو ۆاليۋتاسىن جەتكىزۋگە تىيىم سالدى.
• ەو ۆتب، “روسسيا”، “وتكرىتيە”، نوۆيكومبانك، پرومسۆيازبانك، سوۆكومبانك جانە ۆەب بانكتەرىن SWIFT جۇيەسىنەن ءوشىردى.
• رەسەيدە ءبىر دوللار قۇنى 110 رۋبلگە جەتىپ قالدى.
• حاركوۆقا بۇگىن تاعى راكەتادان شابۋىل جاسالعانى حابارلاندى. شابۋىلدان قالالىق كەڭەستىڭ جانە سونىڭ جانىنداعى عيماراتتاردىڭ تەرەزەسى سىنعان.

• بۇۇ باس اسسامبلەياسى رەسەيدىڭ ۋكرايناداعى باسقىنشىلىعىن توقتاتىپ، اسكەرىن شىعارۋدى تالاپ ەتەتىن رەزوليۋتسيانى قابىلدادى. بۇل تۋرالى رەسەيلىك «نوۆايا گازەتا» حابارلادى.

  رەزوليۋتسيانى 141 ەل قولداسا، 5 ەل قارسى بولدى، 35 ەل قالىس قالدى. قازاقستان قالىس قالعانداردىڭ قاتارىندا.

  قارسى بولعاندار – رەسەي، بەلارۋس، سولتۇستىك كورەيا، سيريا جانە ەريتەريا.

  قازاقستاننان بولەك قىرعىزستان، تاجىكستان، ارمەنيا دا قالىس قالدى. ازەربايجان، تۇركىمەنستان، وزبەكستان دەلەگاتسياسى داۋىس بەرمەدى.

ازات ەۋروپا / ازاتتىق راديوسى