Ukrainadağı soğıstıñ jetinşi küni. Ne bolıp jatır?
kerey.kz
2 naurız. Ukrainadağı soğısta däl qazir ne belgili?
- Särsenbige qarağan tüni Resey Jitomir qalasına äueden şabuıl jasalıp, kemi eki adam qaza tauıp, on üy qirağan. Resey osığan deyin Kiev, Har'kov jäne basqa da qalalarğa şabuıl jasağan.
- Ukraina tarabı 5840 reseylik äskeriler opat bolğanın mälimdedi. Biraq soğıs kezinde bwl derekterdi tekseru öte qiın. Resey jağı äskeriler arasında qaza bolğandar barın birneşe ret aytqanımen, naqtı sanın aytpay otır.
- Qazaqstan prezidenti Toqaev pen Resey prezidenti Putin telefon arqılı söylesip, Ukrainadağı jağdaydı talqılağan. Aqordanıñ habarlauınşa, Toqaev Ukrainadağı jağdayda “kelisimge qol jetkizudiñ asa mañızdı ekenin atap ötken”.
- Boeing reseylik äue kompaniyalarına tehnikalıq qızmet körsetpeytinin mälimdedi. AQŞ Resey wşaqtarına äuesin japtı.
- BWW Bosqındar jönindegi komissarınıñ baspasöz qızmeti soğıs bastalğalı Ukrainadan 835,928 adam bosıp ketkenin habarladı.
- “OVD-Info” dereginşe, Reseyde soğısqa qarsı narazılıq kezinde jeti mıñday adam wstalğan.
- Ukrainalıq äskeriler Kievtegi telemwnarağa “Kalibr” qanattı raketadan şabuıl jasalğanın anıqtadı, mwnday eki raketa atılğan. 1 naurızda Resey Kievtegi telemwnarağa äueden şabuıldap, kemi bes adam qaza tapqan edi.
- Europa odağı Reseyge euro valyutasın jetkizuge tıyım saldı.
- EO VTB, “Rossiya”, “Otkrıtie”, Novikombank, Promsvyaz'bank, Sovkombank jäne VEB bankterin SWIFT jüyesinen öşirdi.
- Reseyde bir dollar qwnı 110 rubl'ge jetip qaldı.
- Har'kovqa bügin tağı raketadan şabuıl jasalğanı habarlandı. Şabuıldan qalalıq keñestiñ jäne sonıñ janındağı ğimarattardıñ terezesi sınğan.
-
BWW Bas assambleyası Reseydiñ Ukrainadağı basqınşılığın toqtatıp, äskerin şığarudı talap etetin rezolyuciyanı qabıldadı. Bwl turalı reseylik «Novaya gazeta» habarladı.
Rezolyuciyanı 141 el qoldasa, 5 el qarsı boldı, 35 el qalıs qaldı. Qazaqstan qalıs qalğandardıñ qatarında.
Qarsı bolğandar – Resey, Belarus', Soltüstik Koreya, Siriya jäne Eriteriya.
Qazaqstannan bölek Qırğızstan, Täjikstan, Armeniya da qalıs qaldı. Äzerbayjan, Türkimenstan, Özbekstan delegaciyası dauıs bermedi.
Pikir qaldıru