اقش قورعانىس ءمينيسترى للويد وستين 12 ساۋىردە پەنتاگوندا ۋكراينا پرەمەر-ءمينيسترى دەنيس شمىگالمەن كەزدەسكەن. وستين ۋكراين ۇكىمەتىنىڭ جەتەكشىسىنە اقش-تىڭ ۋكراينا قورعاۋشىلارىنا قاۋىپسىزدىك سالاسىندا كومەك بەرۋىنە كيەۆتىڭ ايرىقشا اشىقتىق تانىتقانى ءۇشىن ريزاشىلىق بىلدىرگەن.

“امەريكا داۋىسىنىڭ” حابارلاۋىنشا, پەنتاگون باسشىسى ء“بىز قاۋىپسىزدىك سالاسىندا كومەككە ونداعان ميلليارد دوللار بولدىك. وداقتاستارىمىزبەن جانە سەرىكتەستەرىمىزبەن بىرلەسىپ، HIMARS پەن گاۋبيتسالار، NASAMS مەن IRIS-T, Stryker مەن Leopard جانە باسقا كوپتەگەن جۇيە بەردىك. ونىڭ ناتيجەسى مايداندا ايقىن كورىندى” دەگەن.

شمىگال ۋكراينا قارقىندى اسكەري كومەككە ءالى مۇقتاج بولىپ وتىرعانىن، اۋە شابۋىلىنان قورعانۋ جۇيەلەرى، اۋىر ارتيللەريا، مينومەتتەر مەن ولارعا وق-ءدارى قاجەت ەكەنىن ايتقان. بۇعان قوسا، كيەۆ ۆاشينگتوننان الىستاعى نىساناعا جەتەتىن زىمىرانمەن قامتاماسىز ەتۋ ماسەلەسىن قايتا قاراۋىن وتىنگەن.

ء“وزىمىزدى جانە ەۋروپانى قورعاۋ ءۇشىن بىزگە اۋىر تەحنيكا، سونىمەن بىرگە ۇشاقتار كوبىرەك كەرەك. ءبىز اقش-تىڭ تانك كواليتسياسىنا قوسىلۋىن، ۋكرايناعا Abrams تانكىلەرىن جانە جاياۋ اسكەر تەحنيكالارى – Bradley مەن Stryker بەرۋ تۋرالى شەشىمىن قۇپتايمىز. قارسى شابۋىل ءساتتى بولۋى ءۇشىن وسىنداي كومەكتى ۇلعايتۋ قاجەت” دەگەن شمىگال.

ۋكراينا پرەمەر-ءمينيسترى اقش-تى كيەۆكە اسكەري جويعىش ۇشاقتار بەرۋ كواليتسياسىنا قوسىلۋعا ۇندەدى. ول “اقش ۋكرايناعا F-15 نەمەس F-16 ۇشاقتارىن بەرىپ، ءوزىنىڭ ليدەر ەكەنىن تاعى دا پاش ەتە الادى” دەگەن.

ازات ەۋروپا / ازاتتىق راديوسى