ەندى زاڭ جوباسىن رەسپۋبليكالىق پارتيا باسىم وكىلدەر پالاتاسى قارايدى. وكىلدەر پالاتاسىندا جوبانىڭ زاڭ ستاتۋسىن الۋعا مۇمكىندىگى از دەگەن بولجام دا ايتالادى.
پرەزيدەنت-دەموكرات دجو بايدەن ءبىراز ۋاقىتتان بەرى ەكى پالاتانى ۋكراينا مەن اقش-تىڭ ءۇندى-تىنىق مۇحيت اۋماعىنداعى سەرىكتەستەرىنە كومەك بەرۋدى جىلدامداتۋعا شاقىرىپ كەلەدى.
ۋكراينا بيلىگى باستى وداقتاسى اقش-تان قولداۋ ازايعان تۇستا قارۋ-جاراق جەتپەي جاتقانىن بىرنەشە رەت مالىمدەگەن.
ۋكراينا پرەزيدەنتى ۆلاديمير زەلەنسكي بۇگىن، 13 اقپاندا اقش سەناتىنىڭ بۇل زاڭ جوباسىن ماقۇلداعانىنا العىس ايتتى. قۇجاتتا كيەۆكە 61 ملر دوللار بەرۋ قاراستىرىلعان.
“امەريكانىڭ كومەگى ۋكرايناعا بەيبىت ءومىردى جاقىنداستىرىپ، الەمدىك تۇراقتىلىقتى قالپىنا كەلتىرەدى. بۇل – اامەريكالىقتاردىڭ دا، بۇكىل الەمنىڭ دە قاۋىپسىزدىگىنە نەگىز” دەپ جازدى زەلەنسكي ح جەلىسىندە.
زاڭ جوباسىنا پرەزيدەنت بايدەن قول قويماس بۇرىن قۇجاتتى كونگرەستىڭ ەكى پالاتاسى – سەنات پەن وكىلدەر پالاتاسى ماقۇلداۋ كەرەك.
رەسپۋبليكالىقتار شەتەلدەرگە كومەك تۋرالى زاڭ جوباسىنا اقش-تىڭ وڭتۇستىك شەكاراسىنداعى ميگرانتتار لەگىن توقتاتۋ شاراسىن ەنگىزۋ كەرەك دەپ سانايدى. وتكەن اپتادا سەناتتاعى دەموكراتتاردىڭ ليدەرى چاك شۋممەر زاڭ جوباسىنان شەكاراداعى قاۋىپسىزدىك تۋرالى ەرەجەنى الىپ تاستاعان.
ازات ەۋروپا / ازاتتىق راديوسى
پىكىر قالدىرۋ