ۋكراينا پرەزيدەنتى ۆلاديمير زەلەنسكي اقش پرەزيدەنتىنىڭ ارنايى ۋاكىلى ستيۆ ۋيتكوفف جانە ترامپتىڭ كۇيەۋبالاسى دجارەد كۋشنەرمەن تەلەفونمەن ء“ماندى ءارى كونسترۋكتيۆتى” اڭگىمەلەسكەنىن حابارلادى. ۋيتكوفف پەن كۋشنەر 2 جەلتوقساندا ماسكەۋدە رەسەي پرەزيدەنتى ۆلاديمير پۋتينمەن كەزدەسكەن.
ء“بىز كوپتەگەن اسپەكتىگە نازار اۋداردىق جانە قانتوگىستى توقتاتىپ، رەسەيدىڭ ءۇشىنشى رەت باسىپ كىرۋ قاۋپىن جويۋعا كەپىلدىك بەرەتىن ماڭىزدى جايتتاردى، سونىمەن بىرگە رەسەيدىڭ وتكەن جولعىداي ۋادەسىن ورىنداماۋ قاۋپى سياقتى نارسەلەردى تالقىلادىق” دەدى زەلەنسكي.
اڭگىمەگە سونىمەن بىرگە قازىر اقش-تا جۇرگەن ۋكراينا ۇلتتىق قاۋىپسىزدىك جانە قورعانىس كەڭەسىنىڭ حاتشىسى رۋستەم ۋمەروۆ، قارۋلى شتابتىڭ باستىعى اندرەي گناتوۆ قاتىسقان.
Axios دەرەگىنشە، اڭگىمە ەكى ساعاتقا سوزىلعان. كەلىسسوزدەردەن حابارى بار دەرەككوزدىڭ ايتۋىنشا، ۋيتكوفف پەن كۋشنەر ەكى جاقتىڭ دا تالاپتارىن جيناپ جاتىر جانە ءپۋتيندى دە، زەلەنسكيدى دە كەلىسىمگە يتەرمەلەپ كەلەدى.
“جەر ماسەلەسىن تالقىلاۋ كۇردەلى بولدى” دەدى دەرەككوزدەردىڭ ءبىرى. رەسەي ۋكراينادان اسكەرىن دونباستان شىعارۋدى تالاپ ەتەدى. بىراق اقش بۇل قيىندىقتى ەڭسەرۋ ءۇشىن جاڭا يدەيالاردى ۇسىنۋعا تىرىسىپ جاتىر” دەدى ەكىنشى دەرەككوزگە سۇيەنگەن Axios.
تاعى ءبىر ماڭىزدى ماسەلە – اقش-تىڭ ۋكراينا قاۋىپسىزدىگىنە كەپىلدىك بەرۋ ماسەلەسى. دەرەككوزدەردىڭ ءبىرى تاراپتار بۇل ماسەلە بويىنشا ايتارلىقتاي ىلگەرىلەۋشىلىككە قول جەتكىزگەنىن جانە كەلىسىمگە كەلۋگە تاياعانىن، الايدا قوسىمشا پىسىقتاۋ كەرەكتىگىن ايتتى.
كەلىسسوزدەردەن حابارى بار تاعى ءبىر دەرەككوزدىڭ ايتۋىنشا، ۋيتكوفف پەن كۋشنەر ەكى جاقتىڭ دا تالاپتارىن جيناپ جاتىر جانە ءپۋتيندى دە، زەلەنسكيدى دە كەلىسىمگە يتەرمەلەپ كەلەدى.
ۋكراينا مەن رەسەي اراسىندا بەيبىتشىلىك كەلىسىمىنە قول قويۋ كەزەڭى سوڭعى مەجەسىنە تايادى. بۇل جونىندە اقش پرەزيدەنتىنىڭ ارنايى ۋاكىلى كيت كەللوگ رەيگان فورۋمىندا وسىلاي دەپ مالىمدەدى. ونىڭ سوزىنشە، قازىر دونەتسك وبلىسى مەن زاپوروجە اتوم ەلەكتر ستانتسياسىنا باقىلاۋ ورناتۋ ماسەلەسى شەشىلمەگەن كۇيدە قالىپ وتىر.
“ەگەر ءسىز اسكەري قىزمەتكەر بولساڭىز، وندا “سوڭعى 10 مەتردىڭ” ەڭ قيىن ەكەنىن بىلەسىز. مەنىڭ ويىمشا، ءبىز قازىر سوعىستى اياقتاۋ بويىنشا سول سوڭعى “10 مەتردە” تۇرمىز” دەدى كەللوگ.
- بۇعان دەيىن ۆلاديمير پۋتين كرەملدە ۋيتكوفف پەن كۋشنەرمەن كەزدەسۋ كەزىندە رەسەي وكىلدەرى امەريكانىڭ سوعىستى ءبىتىرۋ بويىنشا بىرقاتار شارتتارىمەن كەلىسپەگەنىن راستاعان. ونىڭ سوزىنشە، 28 پۋنكتەن قۇرالعان باستاپقى جوسپار ءىس جۇزىندە وزگەرمەگەن، بىراق اقش ونى بولەك-بولەك ءتورت “بولىككە” ءبولۋدى ۇسىنعان. بۇعان دەيىن جەنەۆادا ەو وكىلدەرى قاتىسقان كەزدەسۋدەن كەيىن ونداعى پۋنكتەردىڭ سانى 19-عا دەيىن قىسقارعانى حابارلانعان.
- 28 دە، 19 پۋنكتەن قۇرالعان جوسپار دا رەسمي تۇردە جاريالانبادى، الايدا 28 پۋنكتى اقپارات قۇرالدارى تاراتتى، اق ءۇي ونىڭ تۇپنۇسقالىعىن داۋلامادى. ۋكراينا مەن ەو وكىلدەرى اتالعان جوسپاردىڭ ءبىر بولىگى رەسەي ءۇشىن تىم قولايلى ەكەنىن ايتقان. بىراق كيەۆ ونى كەلىسسوزدىڭ نەگىزى رەتىندە الۋعا دايىن ەكەنىن بىلدىرگەن.ازات ەۋروپا / ازاتتىق راديوسى
پىكىر قالدىرۋ