Ukraina prezidenti Vladimir Zelenskiy AQŞ prezidentiniñ arnayı uäkili Stiv Uitkoff jäne Tramptıñ küyeubalası Djared Kuşnermen telefonmen “mändi äri konstruktivti” äñgimeleskenin habarladı. Uitkoff pen Kuşner 2 jeltoqsanda Mäskeude Resey prezidenti Vladimir Putinmen kezdesken.

“Biz köptegen aspektige nazar audardıq jäne qantögisti toqtatıp, Reseydiñ üşinşi ret basıp kiru qaupin joyuğa kepildik beretin mañızdı jayttardı, sonımen birge Reseydiñ ötken jolğıday uädesin orındamau qaupi siyaqtı närselerdi talqıladıq” dedi Zelenskiy.

Äñgimege sonımen birge qazir AQŞ-ta jürgen Ukraina wlttıq qauipsizdik jäne qorğanıs keñesiniñ hatşısı Rustem Umerov, qarulı ştabtıñ bastığı Andrey Gnatov qatısqan.

Axios dereginşe, äñgime eki sağatqa sozılğan. Kelissözderden habarı bar derekközdiñ aytuınşa, Uitkoff pen Kuşner eki jaqtıñ da talaptarın jinap jatır jäne Putindi de, Zelenskiydi de kelisimge itermelep keledi.

“Jer mäselesin talqılau kürdeli boldı” dedi derekközderdiñ biri. Resey Ukrainadan äskerin Donbastan şığarudı talap etedi. Biraq AQŞ bwl qiındıqtı eñseru üşin jaña ideyalardı wsınuğa tırısıp jatır” dedi ekinşi derekközge süyengen Axios.

Tağı bir mañızdı mäsele – AQŞ-tıñ Ukraina qauipsizdigine kepildik beru mäselesi. Derekközderdiñ biri taraptar bwl mäsele boyınşa aytarlıqtay ilgerileuşilikke qol jetkizgenin jäne kelisimge keluge tayağanın, alayda qosımşa pısıqtau kerektigin ayttı.

Kelissözderden habarı bar tağı bir derekközdiñ aytuınşa, Uitkoff pen Kuşner eki jaqtıñ da talaptarın jinap jatır jäne Putindi de, Zelenskiydi de kelisimge itermelep keledi.

Ukraina men Resey arasında beybitşilik kelisimine qol qoyu kezeñi soñğı mejesine tayadı. Bwl jöninde AQŞ prezidentiniñ arnayı uäkili Kit Kellog Reygan forumında osılay dep mälimdedi. Onıñ sözinşe, qazir Doneck oblısı men Zaporoj'e atom elektr stanciyasına baqılau ornatu mäselesi şeşilmegen küyde qalıp otır.

“Eger siz äskeri qızmetker bolsañız, onda “soñğı 10 metrdiñ” eñ qiın ekenin bilesiz. Meniñ oyımşa, biz qazir soğıstı ayaqtau boyınşa sol soñğı “10 metrde” twrmız” dedi Kellog.

• Bwğan deyin Vladimir Putin Kreml'de Uitkoff pen Kuşnermen kezdesu kezinde Resey ökilderi Amerikanıñ soğıstı bitiru boyınşa birqatar şarttarımen kelispegenin rastağan. Onıñ sözinşe, 28 punkten qwralğan bastapqı jospar is jüzinde özgermegen, biraq AQŞ onı bölek-bölek tört “bölikke” böludi wsınğan. Bwğan deyin Jenevada EO ökilderi qatısqan kezdesuden keyin ondağı punkterdiñ sanı 19-ğa deyin qısqarğanı habarlanğan.
• 28 de, 19 punkten qwralğan jospar da resmi türde jariyalanbadı, alayda 28 punkti aqparat qwraldarı tarattı, Aq üy onıñ tüpnwsqalığın daulamadı. Ukraina men EO ökilderi atalğan jospardıñ bir böligi Resey üşin tım qolaylı ekenin aytqan. Biraq Kiev onı kelissözdiñ negizi retinde aluğa dayın ekenin bildirgen.Azat Europa / Azattıq radiosı