Tridon Mk2 زەنيتتىك قوندىرعىسىنىڭ باستى ەرەكشەلىگى اتىس قارقىنى. ول مينۋتىنا 300 وققا دەيىن جاۋدىرا الادى. وسىلايشا اۋە كەڭىستىگىنە ەنەتىن شاعىن درونداردىڭ كوزىن جىلدام ءارى ءدال جويۋعا مۇمكىندىك تۋادى. تاعى ءبىر ارتىقشىلىعى اتىلاتىن 40-مم سناريادتاردىڭ قۇنى نەبارى 27 دوللاردى قۇرايدى. ەكونوميكالىق تۇرعىدان ءتيىمدى ەكەنىن دالەلدەيدى. قارۋ-جاراق سالاسىنداعى ماماندار ۋكرايناداعى اسكەري قاقتىعىستاردى ەسكەرە وتىرىپ، ارزان ءارى ءتيىمدى اۋە قورعانىسى قارۋىنا سۇرانىس جوعارى ەكەنىن ايتادى.

Tridon Mk2 جۇيەسىندە قولدانىلاتىن ارنايى بريتاندىق باعدارلامالاناتىن 3P (FUZE 3P) سناريادتارى ەرەكشە قىزىعۋشىلىق تۋدىرادى. FUZE 3P وقتارى ءارتۇرلى رەجيمدە جۇمىس ىستەي الادى.

ياعني، بۇل سناريادتاردى اۋە كەڭىستىگىندە جارىلاتىن ۋاقىتىن، بيىكتىگىن، قاشىقتىعىن الدىن الا باعدارلاۋعا بولادى. مىسالى، كىشكەنتاي ءارى تومەن ۇشاتىن بپلا-لاردى نەمەسە «شاحەد» تيپىندەگى قاناتتى اپپاراتتاردى ەش قيىندىقسىز جويادى.

ۋكرايناداعى سوعىس ءدال وسى زاماناۋي سناريادتاردىڭ تيىمدىلىگىن شىنايى مايدان جاعدايىندا كورسەتەتىن سىناق الاڭىنا اينالماق. الەمدىك قارۋ-جاراق نارىعىندا ءدال وسى سياقتى باعدارلامالاناتىن سناريادتاردىڭ قۇنى ايتارلىقتاي قىمبات سانالادى. الايدا FUZE 3P وقتارى وزگە باتىستىق انالوگتارىمەن سالىستىرعاندا باعاسى قولجەتىمدى ءارى ناتيجەلى ەكەندىگىن اسكەري ساراپشىلار ءجيى اتاپ ءجۇر.

سوندىقتان شۆەتسيا مەن دانيانىڭ بۇل باستاماسى ۋكراينانىڭ اۋە قورعانىسىن كۇشەيتۋمەن بىرگە، Tridon Mk2 كەشەنىنىڭ جاۋىنگەرلىك الەۋەتىن ناقتى اسكەري جاعدايدا تەكسەرۋگە مۇمكىندىك بەرەدى. بۇعان قوسا، ەكى ەلدىڭ بۇل قادامى باسقا دا ەۋروپالىق مەملەكەتتەرگە ۇلگى بولىپ، اۋە شابۋىلىنا قارسى قورعانىس سالاسىندا زاماناۋي قارۋ-جاراققا ينۆەستيتسيانى ارتتىرۋعا يتەرمەلەۋى مۇمكىن.

اسىرەسە، ۋكرايناداعى سوعىس باتىس ەلدەرىنىڭ اسكەري-تەحنيكالىق ستراتەگياسىن وزگەرتتى. ولار ەندى قارۋ-جاراقتىڭ تەك تەحنولوگيالىق باسىمدىعىن عانا ەمەس، ونىڭ ەكونوميكالىق تيىمدىلىگى مەن جەدەلدىلىگىن دە باستى ورىنعا قويىپ وتىر.

ۋكراينا الداعى ۋاقىتتا Tridon Mk2 كەشەندەرىن مايدان دالاسىندا پايدالانۋ ارقىلى بريتاندىق-شۆەدتىك قارۋ-جاراق يندۋسترياسىنىڭ بەدەلىن كوتەرىپ قانا قويماي، وسىنداي تەحنيكانىڭ ستراتەگيالىق ماڭىزىن دا ناقتى كورسەتەدى. الەمدىك قارۋ-جاراق نارىعىنداعى باسەكە جاعدايىندا مۇنداي تاجىريبە وتە ماڭىزدى. قازىردىڭ وزىندە اسكەري ساراپشىلار Tridon Mk2 كەشەنىن ۋكراينا اۋە قورعانىسىنداعى بەتبۇرىستى وقيعا رەتىندە قاراستىرىپ وتىر.