العاش رەت «وتار» قىرىقىنشى اسكەري بازاسى ۇزدىك جاۋىنگەرىن تاڭدادى
kerey.kz
العاش رەت «وتار» قىرىقىنشى اسكەري بازاسى ۇزدىك جاۋىنگەرىن تاڭدادى «وتار» قىرىقىنشى اسكەري بازاسىندا اسكەري قىزمەتشىلەر اراسىنداعى جارىس اياقتالدى. ونىڭ ناتيجەسىندە سىناقتاردى ءساتتى تاپسىرىپ ەڭ جوعارعى ناتيجەلەر كورسەتكەن ۇزدىك ءۇش جاۋىنگەردىڭ ەسىمى انىقتالدى-دەپ حابارلايدى قر قم باسپا ءسوز قىزمەتى.
ەرەجەگە سايكەس بارلىق قاتىسۋشىلار تولىق جاۋىنگەرلىك جابدىقپەن 10 شاقىرىمدىق شەرۋ جاسادى، بىرقاتار كەدەرگىلەردى يگەردى (جەراستى كانالىنان، بۇزىلعان كوپىردەن، 5 م بيىك قابىرعادان، ارنايى جاسالعان باتپاقتان ءوتۋ), اتىس بويىنشا جاتتىعۋدى ورىندادى.
بۇل كەشەندى سىناقتاردىڭ بارلىعىنان ۇزدىك ناتيجە كورسەتكەن 21742 اسكەري ءبولىمنىڭ اسكەري قىزمەتشىسى اعا سەرجانت ازامات كۇيكەنتاەۆ بولدى، ەكىنشى ورىندى 21450 اسكەري ءبولىمنىڭ اسكەري قىزمەتشىسى كىشى سەرجانت ەلنۇر رىسبەكوۆ، ال ءۇشىنشى ورىندى 21742 اسكەري ءبولىمنىڭ اسكەري قىزمەتشىسى كىشى سەرجانت يمانقالي قابىلۇلى يەلەندى.
سايىس جەڭىمپازدارىنا ماقتان تۇتارلىق «وتار» 40-نشى بازاسىنىڭ ۇزدىك جاۋىنگەرلەرى اتاعى بەرىلىپ، ونى راستايتىن «40-نشى اسكەري بازاسىنىڭ ۇزدىك جاۋىنگەرى» جازۋى بار ارنايى بەرەتتەر تابىس ەتىلدى. جارىستىڭ قۇرمەتتى قوناقتارى – ۇلى وتان سوعىسىنىڭ ارداگەرلەرى، جاۋىنگەر ينتەرناتسيوناليستەر، قر قك ارداگەرلەرى، گۆاردەيسك اسكەري قالاشىعىنىڭ مەكتەپ وقۋشىلارى جارىستىڭ بارىسىن باقىلاپ، قاتىسۋشىلارعا بەلسەندى تۇردە قولداۋ كورسەتتى. «وڭتۇستىك» وڭىرلىك قولباسشىلىعىندا وسىنداي اۋقىمدا ءبىرىنشى رەت ۇزدىك جاۋىنگەر تاڭدالعانىن اتاپ وتكەن ءجون.
پىكىر قالدىرۋ