تۇركيانىڭ مانيسا پروۆينتسياسىندا «قازاقستاننىڭ كۇندەرى» بولىپ ءوتتى
kerey.kz
قازاقستاننىڭ تۇركياداعى ەلشىلىگىنىڭ جانە مانيسا پروۆينتسياسى باسشىلىعىنىڭ ۇيىمداستىرۋىمەن تۇرىك مانيسا پروۆينتسياسىندا حالىقارالىق «مەسىر» فەستيۆالى اياسىندا «قازاقستاننىڭ كۇندەرى» ءوتتى.
قازاقستان ورال قالاسى اكىمىنىڭ ورىنباسارى، ەلشىلىك پەن ىستانبۇل قالاسىنداعى باس كونسۋلدىعى قىزمەتكەرلەرى جانە «ورالىم» شىعارماشىلىق توبىمەن ۇسىنىلدى.
فەستيۆال الاڭىنداعى «قازاق ۇيىندە» قازاق حالقىنىڭ سالتى مەن ءداستۇرىن كورسەتەتىن ەكسپوناتتار، ۇلتتىق كيىم، ەلدىڭ كورنەكى جەرى مەن تابيعاتىن باياندايتىن سۋرەتتەر بەينەلەنگەن البومدار قويىلدى. فەستيۆالدىڭ قوناقتارىنا قازاق ۇلتتىق تاعامدارى دا بەرىلدى.
قازاقستانعا ارنالعان كەش بارىسىندا رەسپۋبليكامىز تۋرالى فيلم كورسەتىلىپ، «ورالىم» شىعارماشىلىق توپ تاراپىنان كونتسەرت بەرىلدى. توپتىڭ ورىنداۋىنداعى قازاق ۇلتتىق بي مەن اندەرى مانيسا تۇرعىندارى مەن قوناقتارىن قايران قالدىردى. مۇندا قازاقستاننىڭ فوتو-كورمەسى دە ۇيىمداستىرىلدى.
ءىس-شارا بارىسىندا ورال مەن مانيسا قالالارى باسشىلارى قالالار اراسىندا باۋىرلاس بايلانىستاردى ورناتۋ جونىندەگى نيەت پروتوكولىنا قول قويدى.
مانيساداعى «قازاقستان كۇندەرى» اياسىندا قازاق دەلەگاتسياسى ءوڭىردىڭ بيزنەس-قاۋىمداستىقتارى وكىلدەرىمەن كەزدەسۋلەر وتكىزىپ، باتىس-قازاقستان وبلىسىنىڭ يندۋستريالدىق مۇمكىندىكتەرىن ەگجەي-تەگجەيلى باياندادى جانە تۇرىك بيزنەسمەندەرىن ورال قالاسىندا جوسپارلانعان قازاقستان-تۇركيا يندۋستريالدىق ايماقتىڭ اۋماعىنداعى ءارتۇرلى ينۆەستيتسيالىق جوبالاردى جۇزەگە اسىرۋعا شاقىردى.
ءىس-شارا قورىتىندىلارى بويىنشا اكىم ورىنباسارى قايسار ماڭقاراەۆ يندۋستريالدىق سالانى دامىتۋ جونىندەگى قازاق باستامالارىنىڭ قازاقستاننىڭ بولاشاق دامۋىنىڭ ماڭىزدى بولىگى ەكەندىگىن جانە ۇدەمەلى يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ، «قازاقستان-2050» دامۋ ستراتەگياسىنىڭ، «نۇرلى جول» اتتى ەلباسى جولداۋى ايقىندايتىن جاڭا جالپىۇلتتىق باعداردىڭ اجىراماس بولىگى بولىپ تابىلاتىنىن ءمالىم ەتتى.
ءسىم باسسپا ءسوز قىزمەتى
پىكىر قالدىرۋ