Türkiyanıñ Manisa provinciyasında «Qazaqstannıñ künderi» bolıp ötti

Qazaqstannıñ Türkiyadağı Elşiliginiñ jäne Manisa provinciyası basşılığınıñ wyımdastıruımen türik Manisa provinciyasında halıqaralıq «Mesir» festivali ayasında «Qazaqstannıñ künderi» ötti.
Qazaqstan Oral qalası äkiminiñ orınbasarı, Elşilik pen Istanbwl qalasındağı Bas konsuldığı qızmetkerleri jäne «Oralım» şığarmaşılıq tobımen wsınıldı.
Festival' alañındağı «Qazaq üyinde» qazaq halqınıñ saltı men dästürin körsetetin eksponattar, wlttıq kiim, eldiñ körneki jeri men tabiğatın bayandaytın suretter beynelengen al'bomdar qoyıldı. Festival'diñ qonaqtarına qazaq wlttıq tağamdarı da berildi.
Qazaqstanğa arnalğan keş barısında respublikamız turalı fil'm körsetilip, «Oralım» şığarmaşılıq top tarapınan koncert berildi. Toptıñ orındauındağı qazaq wlttıq bi men änderi Manisa twrğındarı men qonaqtarın qayran qaldırdı. Mwnda Qazaqstannıñ foto-körmesi de wyımdastırıldı.
İs-şara barısında Oral men Manisa qalaları basşıları qalalar arasında bauırlas baylanıstardı ornatu jönindegi niet protokolına qol qoydı.
Manisadağı «Qazaqstan künderi» ayasında qazaq delegaciyası öñirdiñ biznes-qauımdastıqtarı ökilderimen kezdesuler ötkizip, Batıs-Qazaqstan oblısınıñ industriyaldıq mümkindikterin egjey-tegjeyli bayandadı jäne türik biznesmenderin Oral qalasında josparlanğan Qazaqstan-Türkiya industriyaldıq aymaqtıñ aumağındağı ärtürli investiciyalıq jobalardı jüzege asıruğa şaqırdı.
İs-şara qorıtındıları boyınşa Äkim orınbasarı Qaysar Mañqaraev industriyaldıq salanı damıtu jönindegi qazaq bastamalarınıñ Qazaqstannıñ bolaşaq damuınıñ mañızdı böligi ekendigin jäne Üdemeli industriyalıq-innovaciyalıq damu memlekettik bağdarlamasınıñ, «Qazaqstan-2050» damu strategiyasınıñ, «Nwrlı jol» attı Elbası Joldauı ayqındaytın jaña jalpıwlttıq bağdardıñ ajıramas böligi bolıp tabılatının mälim etti.
SİM basspa söz qızmeti

Pikir qaldıru