جاڭالىقتار

نۇرسۇلتان نازارباەۆ جينالعانداردى وتان قورعاۋشى كۇنىمەن قۇتتىقتادى.

kerey.kz

 |  May 7, 2015

وتان قورعاۋشى كۇنى قارساڭىندا مەملەكەت باسشىسى، قارۋلى كۇشتەردىڭ جوعارعى باس قولباسشىسى كەزەكتى جوعارى اسكەري جانە ارنايى اتاقتار مەن سىنىپتىق شەندەر تاپسىردى.-دەپ حابارلايدى اقوردا باپا ءسوز قىزمەت.

نۇرسۇلتان نازارباەۆ جينالعانداردى وتان قورعاۋشى كۇنىمەن جانە ۇلى جەڭىستىڭ 70 جىلدىعىمەن قۇتتىقتادى.

قازاقستان پرەزيدەنتى ۇلتتىق ارميا ەل تاۋەلسىزدىگى مەن تۇتاستىعىنىڭ تىرەگى ەكەنىن اتاپ ءوتتى.

– سىزدەر ءمىنسىز قىزمەتتەرىڭىز ارقىلى جاس بۋىنعا پاتريوتتىقتىڭ ۇلگىسىن كورسەتەسىزدەر، مۇنى مەملەكەت جوعارى باعالايدى. ناگراداعا ۇسىنىلعاندار قاتارىندا قارۋلى كۇشتەرمەن بىرگە قۇقىق قورعاۋ سالاسى مەن ارنايى ورگانداردىڭ وكىلدەرى بار. ولاردىڭ نەگىزگى قىزمەتى – ەلدەگى تىنىشتىقتى ساقتاۋ، حالىقتىڭ قاۋىپسىزدىگىن قامتاماسىز ەتۋ، – دەدى نۇرسۇلتان نازارباەۆ.

مەملەكەت باسشىسى جوعارى اسكەري جانە ارنايى اتاقتار تاپسىرۋ جاقسى داستۇرگە اينالعانىن ايتتى.

– جاڭا اتاق الۋ، اسىرەسە گەنەرالدىق اتاق الۋ – زور مارتەبە ءارى جاۋاپكەرشىلىك. بۇل – سىزدەرگە، سىزدەردىڭ تالىمگەرلەرىڭىز بەن  قاراماعىڭىزداعىلارعا، جاقىندارىڭىز بەن دوستارىڭىزعا دەگەن قۇرمەت. سىزدەر ومىردە وسى جولدى تاڭداپ، توعىزدان كەشكى التىعا دەيىنگى جۇمىس كۇنىمەن شەكتەلمەيتىن ەرەكشە ماماندىقتى تاڭدادىڭىزدار. وتانعا قىزمەت تاۋلىك بويى قىزمەت ەتۋ دەگەن ۇعىمدى بىلدىرەدى. حالىق الدىنداعى بورىشىن وتەۋ ءۇشىن بار كۇشىن جۇمساۋ، قاجەت بولسا، ءومىرىن دە قيۋ – بۇل سىزدەردىڭ مىندەتتەرىڭىز. سوندىقتان سىزدەردى بۇگىن بەرىلگەن اتاقتارعا لايىق دەپ سانايمىن، – دەدى قازاقستان پرەزيدەنتى.

نۇرسۇلتان نازارباەۆ جاڭا اتاق العانداردى تاعى دا قۇتتىقتاپ، ولاردىڭ وتانىمىزعا لايىقتى قىزمەت ەتەتىنىنە سەنىم ءبىلدىردى.

ماراپاتتالعاندار مەملەكەت باسشىسىنىڭ قولىنان اتاق الۋ ۇلكەن مارتەبە ءارى زور جاۋاپكەرشىلىك ەكەنىن ايتتى. سونداي-اق وتانىمىزعا جانە قازاقستان حالقىنا قىزمەت ەتۋ ءۇشىن بار كۇشتەرىن جۇمسايتىندارىنا سەندىردى.

ءراسىم بارىسىندا گەنەرال-لەيتەنانت اسكەري اتاعى  و.بيجانوۆقا بەرىلدى.

گەنەرال-مايور اسكەري اتاعى ق.اقتانوۆقا، ت.داندىباەۆقا، ا.قاسكەلەڭوۆكە، ق.مىڭجانوۆقا، ق.سادىقوۆقا، م.تالاسوۆقا، ر.شپەكباەۆقا تاپسىرىلدى.

اۆياتسيا گەنەرال-مايورى اسكەري اتاعى د.قوسانوۆقا;

ۇلتتىق قاۋىپسىزدىك گەنەرال-مايورى ارنايى اتاقتارى ا.اقشاەۆقا، ا.كەنجەبەكوۆكە س.قۇرماناليەۆكە، ن.ماجيلوۆكە، ن.نۇرسيپاتوۆقا;

پوليتسيا گەنەرال-پولكوۆنيگى ارنايى اتاعى ق.قاسىموۆقا;

پوليتسيا گەنەرال-لەيتەنانتى ارنايى اتاعى م.دەمەۋوۆكە;

پوليتسيا گەنەرال-مايورى ارنايى اتاعى م.ابلازيموۆكە، ج.باقتىباەۆقا، ب.بيسەنقۇلوۆقا، م.قوجاەۆقا، م.ۇرىمحانوۆقا;

3 سىنىپتى ادىلەت مەملەكەتتىك كەڭەسشىسى سىنىپتىق شەنى ن.ابدىروۆكە، م.يساديلوۆكە، ع.ميرازوۆقا، ب.تايىمبەتوۆكە، ت.تاشىمباەۆقا، ي.تىلەۋعاليەۆكە، ع.توعىزباەۆقا بەرىلدى.