Nwrswltan Nazarbaev jinalğandardı Otan qorğauşı künimen qwttıqtadı.
kerey.kz
Otan qorğauşı küni qarsañında Memleket basşısı, Qarulı Küşterdiñ Joğarğı Bas Qolbasşısı kezekti joğarı äskeri jäne arnayı ataqtar men sınıptıq şender tapsırdı.-dep habarlaydı Aqorda bapa söz qızmet.
Nwrswltan Nazarbaev jinalğandardı Otan qorğauşı künimen jäne Wlı Jeñistiñ 70 jıldığımen qwttıqtadı.
Qazaqstan Prezidenti wlttıq armiya el täuelsizdigi men twtastığınıñ tiregi ekenin atap ötti.
– Sizder minsiz qızmetteriñiz arqılı jas buınğa patriottıqtıñ ülgisin körsetesizder, mwnı memleket joğarı bağalaydı. Nagradağa wsınılğandar qatarında Qarulı Küştermen birge qwqıq qorğau salası men arnayı organdardıñ ökilderi bar. Olardıñ negizgi qızmeti – eldegi tınıştıqtı saqtau, halıqtıñ qauipsizdigin qamtamasız etu, – dedi Nwrswltan Nazarbaev.
Memleket basşısı joğarı äskeri jäne arnayı ataqtar tapsıru jaqsı dästürge aynalğanın ayttı.
– Jaña ataq alu, äsirese generaldıq ataq alu – zor märtebe äri jauapkerşilik. Bwl – sizderge, sizderdiñ tälimgerleriñiz ben qaramağıñızdağılarğa, jaqındarıñız ben dostarıñızğa degen qwrmet. Sizder ömirde osı joldı tañdap, toğızdan keşki altığa deyingi jwmıs künimen şektelmeytin erekşe mamandıqtı tañdadıñızdar. Otanğa qızmet täulik boyı qızmet etu degen wğımdı bildiredi. Halıq aldındağı borışın öteu üşin bar küşin jwmsau, qajet bolsa, ömirin de qiyu – bwl sizderdiñ mindetteriñiz. Sondıqtan sizderdi bügin berilgen ataqtarğa layıq dep sanaymın, – dedi Qazaqstan Prezidenti.
Nwrswltan Nazarbaev jaña ataq alğandardı tağı da qwttıqtap, olardıñ Otanımızğa layıqtı qızmet etetinine senim bildirdi.
Marapattalğandar Memleket basşısınıñ qolınan ataq alu ülken märtebe äri zor jauapkerşilik ekenin ayttı. Sonday-aq Otanımızğa jäne Qazaqstan halqına qızmet etu üşin bar küşterin jwmsaytındarına sendirdi.
Räsim barısında general-leytenant äskeri atağı O.Bijanovqa berildi.
General-mayor äskeri atağı Q.Aqtanovqa, T.Dändibaevqa, A.Qaskeleñovke, Q.Mıñjanovqa, Q.Sadıqovqa, M.Talasovqa, R.Şpekbaevqa tapsırıldı.
Aviaciya general-mayorı äskeri atağı D.Qosanovqa;
Wlttıq qauipsizdik general-mayorı arnayı ataqtarı A.Aqşaevqa, A.Kenjebekovke S.Qwrmanalievke, N.Majilovke, N.Nwrsipatovqa;
Policiya general-polkovnigi arnayı atağı Q.Qasımovqa;
Policiya general-leytenantı arnayı atağı M.Demeuovke;
Policiya general-mayorı arnayı atağı M.Ablazimovke, J.Baqtıbaevqa, B.Bisenqwlovqa, M.Qojaevqa, M.Wrımhanovqa;
3 sınıptı ädilet memlekettik keñesşisi sınıptıq şeni N.Äbdirovke, M.Isadilovke, Ğ.Mirazovqa, B.Tayımbetovke, T.Täşimbaevqa, I.Tileuğalievke, Ğ.Toğızbaevqa berildi.
Pikir qaldıru