قورعاۋشىنىڭ ايتۋىنشا، جۇماعۇلوۆ بىرنەشە جاراقات العان: باس سۇيەگىنىڭ سىنۋى، مۇرىن سۇيەگىنىڭ سىنۋى، وڭ جاق گايمور قۋىسىنىڭ الدىڭعى جاق قابىرعاسىنىڭ بىرنەشە جەردەن سىنۋى، گايمور قۋىسىنىڭ ىشكى جانە جوعارعى قابىرعاسىنىڭ سىنۋى، تور سۇيەگىنىڭ سىنۋى، استىنعى ەرنىنىڭ سىلەكەي قابىعىنىڭ زاقىمدانۋى. سونىمەن قاتار، بەت پەن باس تەرىسىنە دە كوپتەگەن زاقىم كەلگەن.

زاڭگەردىڭ ايتۋىنشا، ءالىبي قازىر وپەراتسياعا دايىندالۋ ۇستىندە. ول جاقىن ارادا اۋرۋحانادان شىعارىلادى جانە ەمدەلۋدى ءۇي جاعدايىندا جالعاستىرادى. “وزدەرىڭىز كورىپ وتىرعانداي جاراقاتى جەڭىل دەگەن اڭگىمە ويدان شىعارىلعان. سوتقا دەيىنگى تەرگەۋ امالدارى بىتكەننەن كەيىن ءالىبي استانا قالاسىنان باسقا جەردە ەمدەلەدى. ول ءۇشىن كوپ ۋاقىت كەرەك. تاراپتاردىڭ كەلىسىمگە كەلۋى قاراستىرىلمايدى. مۇنداي شەشىمدى ءالىبيدىڭ اكەسى قابىلدادى”، – دەدى ايتقاليەۆا.

قورعاۋشى نۇرلان جۇماعۇلوۆتىڭ بالاسىنىڭ ەمىنە جيناعان اقشاسى تۋرالى دا پىكىر ءبىلدىردى. “زاڭگەر مەن مەديتسينالىق قىزمەتتىڭ تەگىن بولۋىنا وراي جينالعان قاراجات جۇمسالمادى. ءالىبيدىڭ وتباسى اقشانى ارۋجان سايىن اتىنداعى قورعا اۋدارادى. كەز كەلگەن ادام اقشانىڭ قايدا اۋدارىلعانىن كورە الادى. جاقىن ارادا ءبىز نۇرلان جۇماعۇلوۆتىڭ پاراقشاسىن قايتا قوسامىز. ول ەندى جاڭالىقتارىمەن ءوزى بولىسەدى. جۇماعۇلوۆتىڭ وتباسىنىڭ اتىنان قيىن ساتتە ءبىزدى قولداعاندارعا ۇلكەن راحمەت ايتامىن”، – دەدى ايتقاليەۆا.

ايتا كەتەيىك، نۇرلان جۇماعۇلوۆ ينتەرنەتكە ۇلى ءالىبيدىڭ تاياققا جىعىلعانى تۋرالى ۆيدەو سالعان بولاتىن. سونىمەن قاتار، ول ۇلىنىڭ سوققىعا جىعىلعاننان كەيىنگى سۋرەتىن دە جاريالادى. قازىر ۆيدەولار ءوشىرىلدى، جۇماعۇلوۆتىڭ پاراقشاسى ۋاقىتشا جابىلدى.

ەسكە سالا كەتەيىك، ءالىبي جۇماعۇلوۆ 2015 جىلدىڭ 21 ساۋىرىندە سوققىعا جىعىلدى. 25 ساۋىردە وسى ءىس بويىنشا كۇدىكتى كاسىپكەر قايرات جاماليەۆ ەكى ايعا قاماۋعا الىندى.

Alashainasy.kz